بسم الله الرحمن الرحيم ..
الصلاة والسلام على أشرف المرسلين سيدنا محمد ..
بدون مقدمات يا اخوان بتكلم بالعامية من القهر الي فيني ..
اولا كمبواريه من رأيي انه أفشل مدرب بالسعودية انا ما اعرف وشلون يفكر ، ياخي مباراة اليوم تبين كل شيء هذا الاتفاق مستواه عادي ويتعادل معنا حرام هدر النقاط ، استغرب من الاعضاء وبعد مشرفين المنتدى انهم مع كمبواريه فيه احد يلعب النامي نص ايمن ياخي خاف ربك انت شفت سلمان الفرج ما أدى طلعه ودخل الشلهوب اما تتدخل النامي تفكيرك عجيب النامي دفاعي كيف بيأديلك بالنص بتقولون انه لعب بالدفاع بقولك ما شفته وأصلا النامي نعرف كيف مستواه !!
صراحة المدرب يفشل الزعيم ويفشل جماهيره ، معليش يا اخوان المدرب لازم يمشي نتابع بحرارة ونشجع الزعيم واخر شيء يهدر النقاط شيء يقهر صراحة ..
ما راح أطالب بشيء بس اذ يبون الزعيم يرجع لمستواه لازم يتحركون .. تابعت الاستديو التحليلي بين الشوطين يقول صالح الحماد ان الهلال ما أدى الي المطلوب عليه وكنت فرحان اننا وصلنا لهالمستوى قلت الايام الجايه بيتعدلون آثر التفكير غلط ..
بالاخير ما اقول الا الله يعين جماهير الزعيم وكل امنياتي انه ما يقهرنا لاننا نعرف كيف مستوى الزعيم هذا مب مستواه ..
اعذروني يا اخوان على الكلام بس القهر يلعب دوره والكلام الي قلته من رأيي الخاص فاعذروني ..
