دفاعنا ومدربنا واسفاه

بسم الله الرحمن الرحيم


بعد مبارتنا اليوم لا أحد يدافع عن مدربنا ودفاعنا كل شي اصبح واضح

مدافع يصنع لمهاجم الفريق الاخر ومدافع مايعرف يطلع كورة ومدرب مايظبط التشكيلة المناسبة

رجاءا ابن مساعد شف لك حل بالدفاع والمدرب ياخي خل عنك المثالية واكرش اللاعبين

عذر احد المدافعين بعد المباراة مباشرة انا عندي اصابة بالمفصل وماحبيت اضغط عليها علشان كذا جابوا الهدف الاول

ياخي مصاب لاتلعب والا لو وراك احد يحاسبك على كل غلطة ماقلت هالكلام

اللي يبي يتاكد من كلام المدافع يدخل على يوتيوب ولقاء ماجد المرشدي بعد المباراة

مدربنا ابي سبب واحد لخروج سلمان الفرج ودخول محمد نامي وتاخير دخول محمد الشلهوب باخر ثلاث دقايق ياخي الفريق مافيه صانع لعب وتتاخر بدخول الشلهوب ولا باخر ثلاث دقايق

المدرب يقول الهلال تحت الضغط قبل كل مباراة مدرب يقول هالكلام ياخي لاتقول لنا شف حل للفريق عالج الفريق ترا مسلمينك الخيط والمخيط اذا ماتقدر خلاص روح

لاكن الشرهة ماهي عليك حنا نشره على رئيس النادي

حنا مانهزمنا ترا تعادلنا بس التعادل مايكفي لاخذ الدوري وفريق زي الهلال المفروض يضرب بيد من حديد اذا يبي الدوري وعنده الامكانيات اللي تاهله لاخذ الدوري

ابن مساعد ترا فيه ناس تحترق على الهلال وتتمنى له كل خير وكل يوم وهو في زود واي بطولة يدخلها ياخذها رجاء راع شعور الناس واكرش اللعيبة وخاصة الدفاع ومعاهم المدرب ترا قدامك اسيا واسيا تبي فريق منظم ويلعب بتكتيك معين وفريق سوبر ستار ماتبي فريق دفاعه شوراع ومايعرفون مدافعينه يطلعون كورة والادهى والامر يصنعون كورة للمهاجم

عذرا لعدم تنسيق الموضوع بس والله اكتب بقهر لما اشوف الفتح متصدر الدوري وهو اقل منا امكانيات