من الأدب الكموني
من الثقافة الكمونيه العامة
قسم اداب الكشتات
تنويه : هذا الموضوع طويل ... شكرا .:artist:
اشارة فوق بنفسجيه:
قبل 11 سبتمبر 2001 وبالتحديد عندما كان لايوجد مصطلح الأرهاب
مكان وزمان:
بالرياض في نوفمبر من النوفمبرات وفي جو غائم ولا أروع
قام شلة من شلل الرياض بكشته على رصيف بالطريق الدائري الشمالي
كان جو الكشته حليو يميل للبرودة وجو مطر ... كان جو وشبه وتوليع
فما كان بد من توليع السمر بكشته مش بالصمان ولا بالدهناء بل ع الرصيف
كشته:
الكل مشغول ...اللي يسوي قهوه واللي يسوي شاي واللي يزبط المعسل واللي قاعد واللي يسولف
كان هيثم ( 140 كجم – صاحب الرقم القياسي لاأسرع دب ) مشغول باالطبخ وكان منهمك بااعداد الفحم والمشويات والبهارات.
علي وصالح وخالد وسعود يلبعون بلوت..........وسامي مولع المعسل ويسولف مع هيثم عن اسباب خسارتهم بالبلوت
بينما هم على ذلك ...اذا بشخص يرتدي ملابس غربية رسيمة من غير جاكيت وبوت رياضي خاص بالمشي ومعه كلب من النوع اللي يجي له شعر واقرب مايكون للتيس قادما باتجاهم
عندما صار حولهم اي بالقرب منهم قال الخواجه : Salam alikm ...... Helllo
فرد القوم السلام ... بل انهم رفعوا الفناجيل مخاطبين الخواجه بالأنجلينزي ... اقلط يامستر ..... يامستر
جاملهم الخواجه مبتمسا ويهز رأسه شاكرا لهم ...قائلا بالأنجلينزي شكرا واتمنى لكم ليلة سعيدة ومشى بحال سبيله
وبعد مرور حوالي خمس دقائق اذا بصوت صراخ ونباح او نباح وصراخ مصدره الخواجه اللي مر من عندهم قبل شوي
هب القوم للخواجه مصر الصراخ وطالب النجده راجلين وراكبين باأسرع مايمكن
فاصل ونواصل.
.
.
.
.
.
.
.
اعلان كموني :
قبل 11 سبتمبر 2001 م ......كان الذكور من الخواجات يمارسون الرياضة بالشوارع بشكل طبيعي:11ight_li
اعلان كموني :
قبل 11 سبتمبر 2001 م ..... كان العوائل من الخواجات يجوبون الدهناء والصمان:11retcher
خلاص ....انتهت الأعلانات
لقد عدنا
عند اقترابهم او قربهم من الخواجه المستغيث اي المستنجد
شاهدوا
..
.
.
.
.
.
.
.
.
عدد من كلاب الشوارع تنابح على كلب الخواجه وبوضع هجومي:واو:
وكان لابد من التدخل لاانقاذ الخواجه وكلبه
تم التدخل بهيثم و بالحصى والتلويح بجذع سمر فهجت اي هربت الكلاب الشوارعيه
اما الكلب الأمريكي يبدو يعاني من شويه خدوش ويمكن عضات :11oud9:
بس مش واضحه .. فالواضح ان الخواجه نفسه ممخوش وبحالة عصبية مزريه
فالكلب يعني للخواجه كما يعني البعير لراعي البعارين الا ان ذلك لايمنع من التحفظ على كلام الخواجه الذي كان اول كلمة يتفوه بها بعد انقاذه وكلبه
: كلابتكم ياالسعودين اعتدت على وكلبي.:11bomb:
!!!!!!!!!!!!!!!!!!!؟؟؟؟؟؟؟؟؟؟؟؟؟؟؟� �؟؟؟؟؟؟؟؟؟؟
لم يسد الصمت سؤا اجزاء من الثانية عندما تحدث ماجد بالأنجلينزي
: خلونا اي دعونا الان نوصله وكلبه الي سيارته.... ويؤشر على الخواجه ....الذي عرف نفسه بانه ديفد سام وانه امريكي .
ركب الخواجه وكلبه بالجيب الشيروكي حق ماجد ... وذهب معهم الدب هيثم وخالد الي حيث سيارة الأمريكي المستر ديفد على بعد حوالي كيلو من مكان الكشته
اصر والح الخواجه على يشكر الجميع وطلب ان يركب معه هيثم بسيارته لكي او عشان يرجعه لموقع الكشته ... وكتقديم شكره نزل الأمريكي مع هيثم الدب ليقدم الشكر للشله
على ماقاموا به وتم تقديم فنجال بالمسمار والزعفران.... وبعض الخيرات الوطنية والمستوردة
على مايبدو ان الجو الرايق والقهوه العربية اعجبت الخواجه حيث شرب حوالي 5 فناجيل وشرب شاهي
مع الجو الأنساني الحلو ....وشبه النار .....والوجيه السعودية الحلوه.....سالفه هنا وسالفة هناك.
ماجد : تسمح لي يامستر ديفد .... انت قبل شوي قلت كلابتكم يالسعودين اعتدت على وكلبي الا تعتقد بأن كلامك ماله داعي
مستر ديفد : هههههههههههههه وخخخخخخخخخخخخ ولووووووووووول عفوا ماكنت اقصد واعتذر واعرف انكم تفضلون البعارين ولا تحبون الكلاب ....ولكن كانت تلك الكلاب ليست امريكيه
علي: ههههههههه من غير خخخخخخخخخخخخ نقبل اعتذارك واؤكد لك بأن هذه الكلاب مجرد كلاب...كلاب شوارع ضاله تصرفت غريزيا وبس ولا شىء اكثر
هيثم : هع هع هع ههههههههههههههههههههههههه وايضا ترى الكلاب يامستر ديفد لم تعتدي على كلبك على انه امريكي
صالح : لاتدقق ياشيخ......يمكن يقصد المستر ديفد بحكم انها موجود بالرياض فهي كلابتكم ... اما اذا وجد الكلب بطوكيو فهو ياباني
خالد : على كذا الكلب اللي في باريس فرنسي واللي في مانشستر بريطاني
مستر ديفد : لووووووووووووووووول لوووووووووووووووووووووووو وووووووول
مستر ديفد : مين مسؤل عن اعاشه هذه الكلاب ورعايتها وهل تواجه خطر الأنقراض؟
علي : لاتخف يامستر ديفد.....هذه الكلاب عايشه ..وزي مانت شفت بعينك قوتها ...ولا عليها خوف من الأنقراض
مستر ديفد: ولكن كيف تعيش واين تنام
هيثم: هع هع هع غالبا تعيش على اطراف المدن وخصوصا بالمحارق مكبات النفايات حيث تلاقي او تجد كل ماتحتاج ومرتاحه ومتستاسه
مستر ديفد: اها .. او تتوقع ان تكون مريضة بمرض معدي؟ !
خالد: كل شىء جايز ...يمكن ايه يمكن لا.
خالد: عيال تبون اصمخه معسل ( بالعربي) ... مستر ديفد ....ممكن تعسل ...جرب المعسل (بالأنجلينزي)
مستر ديفد: اوووه شكرا .. ياخالد .... واخذ بتدخين المعسل ....واخذ يوزع ابتسامات
مستر ديفد : لوووووووووووووووووووووووو ووووول نعم بالتأكيد لووووووووووووووووووول انها مجرد كلاب
مستر ديفد : طيب .. حسنا ... من المسؤل عن هذه الكلاب ..اولا ترون بأن تلك الكلاب خطر ؟ واستغرب كيف تربون بعارين ولا تربون كلاب؟
صالح : يامستر ديفد.... حنا نربي البعارين ونحب البعارين ونفنخر بالعارين ومن حقنا نربي البعارين او اي حيوان ومن حقكم تربون البساس والكلاب
سعود: شوف مستر ديفد بقولك شىء .... دينا اي شرعا ..حرام اقتناء الكلاب الا لثلاث وللمعلوميه يامستر ديفد علمنا الأسلام الرفق بالحيوان والأنسان
بل انه جاء بالأثر ان هناك من دخل الجنه بسبب الرفق بالحيوان.....ووووووو.....ووووو وووووووووو.
مستر ديفد: رائع ولكن من المسوؤل عن هذه الكلاب
علي: وضح ماتقصد من المسوؤل عن الكلاب؟
مستر ديفد: هئية ما
هيثم: لايستدعي وضع الكلاب بالمحارق وجود هئية مسؤلة خخخخخخخخخخخخخخخ طالما ان الكلاب عارفها حدودها ولا تشكل خطر فهي بامان المحارق حيث يتم جمع النفايات
خالد: احب اضيف بأن كلابتنا حره .... ....كلابتنا تعيش عيشه طبيعة على سجيتها ......ونختلف عنكم بالنظرة للكلب والبعارين ...وكلابتنا قووووووويه لان تلقى اللي تاكله ولا بالشيراتون
سعود : هع هع هع هههههههههههههههههه اجل قويه ..... كلابتنا
مستر ديفد : بحسب علمي هذا النوع من الكلاب مش من النوع العدواني !
ماجد : الكلاب تصرفت بطبيعية لا تتعارض مع كلوبيتها
سامي : اقوول غير الموضوع تكفوون (بالعربي) الا انت ديمقراطي ولا جمهوري يامستر ديفد كاثلوكي ولا بروتسانتي؟ (بالأنجلينزي) ووشلون اعرس على امريكيه
مستر ديفد: انا جمهوري كاثلوكي وزوجتي ديمقراطيه لوووووووووووووووول .....واذا تبي تعرس على امريكيه رح لاامريكا واختار لووووووووووووووووووول
ماجد : ايه هين بس.........اعذرني مستر ديفد .....كلابتكم السعودية اعتدت على كلبي ماهي خاشه مخي ...ولو يعرس هالمنسم على امريكيه كان فقعت وجهه
علي : ياشيخ لاتصير حساس ههههههههههههههههههههههههه وخله يعرس ....واذا لقى امريكيه تعرس عليه احلق شعر ركبتي
خالد: ماتدري يمكن يبي يحسن شكل النسل خخخخخخخخخخخخخخخخ
مستر ديفد : لوووووووووووووووووووووووو وووووووووول
سامي : الا ماعندك اخت يامستر ديفد ؟:wink: :11rob:
مستر ديفد: لا لووووووووووووووووووول
تشعب الحوار ومن سالفة لسالفة ولم يقطع الحوار الا صوت الدب هيثم مناديا الجميع : العشاء جاهز ....ولم يمهلهم الدب حيث رمى عليهم بالسماط واكياس الخبز
بسم الله
اتفضل يامستد ديفد انت الضيف مد يدك اليمين
تخلل العشاء صمت متقطع بين احاديث مجاملة
الحمدلله اللهم ادمها نعمه واحفظها من الزوال
تشكر الأمريكي للسعودين ..... وعرض ان يساعدهم بتحميل اغراضهم حيث بداء المطر ينهمر والجو يبرد
فتشكرو له وطلبوا ان يذهب حيث كان كلبه ينبح مناديا فاتجه الي سيارته وشغل المحرك البارد وشغل مساحات القزاز
بسرعة تم تحميل العفش ..... والجميع في سياراتهم ماعدا الدب هيثم الذي كان يقوم بوضع الباقي من الطعام بالسماط باللي فيه فوق حجر لايبعد كثيرا عن مكان الكشته
عندها عرف الأمريكي من اين تأكل الكلاب ..النهاية.
ـــــــــــــــــــــــــ ــــــــ
كلمات بلا معنى:
انتثر الكمون الكمون انعوجت الملعقه:wink:
بوصولك الى هنا يعني ضيعت وقت طويل على هذا الموضوع ولذا تستاهل باقة من زهور الكمون.
