حطوا نفسكم مكاني،، شتسوون؟؟

السلام عليكم بنات ابي حل بليز وابي منكم راي سديد
انا متزوجه صارلي ثلاث سنين
ساكنه بشقه بروحي بنفس المنطقه اللي فيها اهل زوجي بحكم ان بيتهم صغير لان حمواني اثنين متزوجين وساكنين بالبيت وعندهم اخوهم مو متزوج بس يعتمد عليه وعندهم سايق
اهل زوجي معتمدين على زوجي بكل شي..
لدرجة يدقون عليه جيب لنا طبيات حق خواتك علما بان بين المدرسه والبيت شااااارع فقط قلنا مو مشكله،، تدق ام زوجي جيب لبنت اخوك حفاظات😳 وين ابوها؟ ابوها تعبان ،، قلنا ماعليه الحفاظات شي ظروري ،، روح جيب بنت اخوك من الحضانه وين ابوها ؟ ابوها منسدح بالدوانيه ،،
والله يا بنات السايق ماعنده شغل كلش لايودي ولايجيب زينه بس
روح راجع باختك المعاقه قلنا مايخالف ؟؟
اسال نفسي احيانا وين اخوانه ليش مايروحون ؟؟
ع الاقل اللي مو متزوج قاعد لاشغله ولاعمله..
يقولون لزوجي روح ود السايق للمستشفى تعبان واهوا مسكين يطلع يودي ويجيب واللي بالبيت مرتاحين
روح جيب الخدامه من المكتب
والحين عندهم مراجعات بالبيت ؟؟
واللي يراكض بهالمراجعات زووجي واذا تاخر يوم واحد يدقون عليه اخوانه ويهاوشونه !!!
وازيدكم من الشعر بيت خواته كل خميس يتحاذفون عليه ودني اسوي سونار!!! وين زوجها ؟ ودي ولدي الطبيب وين ابوه ،،،
بنات والله مو مره ولا مرتين والله لما اكون عند اهلي ادق عليه اسال وينه يقول رايح لاختي اجيبها هي وعيالها مو مره تقريبا شبه اسبوعي انزين وين زوجها ليش مايجيبها
والله يابنات من كثر المشاوير صاير يجي تعبان يبي يرتاح ،،
اذا ضاعت بطاقة خواته حقت البنك يروح يراكض ويراجع .. واذا تاخر بس يوم يدقون وتشرهون انا مو قاهرني الا المتزوجات تجي تتامر على اخوها ماتطلع مشاويرها الا لما تشوفنا زايرينهم ابفهم وين زوجها؟؟


انقهر قهررر تدرون ليش لما ازورهم ماعندهم الا ودنا جيبنا احيان اقول بتكلم بس ارجع اسكت ..
علما يا خواتي ان ام زوجي تحبني ودايم تمدحني عند الناس وحمواتي عسسسل معاي بس ليش يعتمدون عليه جذي ليش من يشوفونه بس يبون يكرفوونه السايق شحضرته ما ادري؟
الوضع لا يطاااااق تعبت كل شوي داقين ،، واهوا مستحيل يقولهم لا ،، يدري اني اتضايق بس يسكت ،، الحمدلله اهوا مو مقصر معاي بشي .. بس ابي اقعد معاه مرتاحه،،
عطوني حل..