الله حط حيلهم بينهم

هذا الجزء الاول من القصة

صار لي سنتين من اشتغلت - آنسة :eh_s(22): سيرتي الذاتيه :eh_s(7):

المهم قبل 3 اسابيع تقريبا اسألتني وحده انتو من بيته شنو عايلتكم واسالتني عن عمري

وقلت لها جان تقول لي تصير لج فلانه

قلت لها لا

واسكتت

اليوم وانا قاعده بمكتبي قاعده هاللي اسألتني تسولف مع باقي زميلاتي عادي

طلعت رحت اييب لي ماي

ورجعت مكاني جان اشوفها مع باجي زميلاتي كانوا يتكلمون عادي من دخلت قصرو صوتهم

وبدت سوالف الكلام بالعين والمساسر والكتابه على ورق

وفي وحده منهم تقعد صوبي بس قاطة اذونها

عاد من سوالف الالغاز وحده قالت انا عن نفسي اشوف ان اهي واختها نفس الشي بنفس الاخلاق

و هذيج اللي اسألتني عن عايلتي جنا مو عاجبها وكانت ترد بس مو فاهمه عليها ولا سمعت شي

وردت الثانيه وقالت انا قاعده اقول لج عن الاخلاق

جان تطلع والثالثه جان تقول حق اللي قالت كلمة اخلاق بس فلانه ( اللي اطلعت )

اهيا حددت العايلة يعني اهيا نفسها

ما فهمت شنو تقصد بهالجمله بس حيل تضايقت

بعدها جان تقول وحده فيهم حق اللي قاطه اذونها ترا اهي وصتنا ما تقولين شي فاهمه

وهذيج تقول سركم في بير :bbbiu:

يعني اشكرا السالفه عني

بعدها سولفو عن وحده قبل ثلاث سنين كانت تعيين يديد وان في وحده احلمت فيها انها انخطبت

وفعلا خلال اسبوع قالت لهم انها املجت

انا حدي متضايقة ودي اعرف بشنو حاشين فيني :eh_s(16): وهذي ليش مو عاجبها

الجزء الثاني من القصة


رجعت البيت العصر منهارة تماما ما ادري شنو الشي اللي قايلينه عني

المهم ثاني يوم خذيت اجازه عرضي

رجعت ثالث يوم وأسألوني اللي حشو فيني ليش غايبه

قلت لهم زعلانه

كلهم تفاجئوا وكنا في احد طاقهم طراق وقاعدين يطالعون باللي كانت قاطه اذونها

جان يقولون شنو سبب الزعل

اخترعت سالفة ان المنتخب خسر من الامارات

طبعا ما صدقوها بس حاولت اني اعطي مبررات عن المباراه فصدقو نوعا ما

المهم في وحده من الموظفات ما كانت موجوده يوم حشو فيني فخذوها ثنتين منهم واطلعوا برا يسولفون

ولما ارجعت هالموظفه تكلمت بنفس الالغاز ومن الكلام تقول اي من نفس العايله امبين

واضح جدا ان الكلام عني

طوفت وسويت روحي قاعده اشوف فيديوهات

فجأه اتصل المدير وقال فلانه (عني) ووحده ثانيه اييون ياخذون البيانات ويعبونها ويدخلونها بالكمبيوتر

مع ان الشغله هذي مو شغلتي بس تقبلتها بصدر رحب ورحت عنده وخذيت الاوراق لكن الثانيه وباجي الموظفات ما بادروا وطنشو و يولي على اخر ورقه عبيتها ان بيساعدون قلت لهم بس باقي هالورقة والظاهر ان المدير مسوي جدول معين عشان يتم تعبئة هالاوراق

اسالو رئيسة قسم ثاني قالت ايه نسقوا بينكم الشغل بس مافي جدول باسماء معينه

خلصت شغل المدير وكملت شغلي الاساسي

يت رئيسة القسم معصبه عالاخر وزفت كل الموظفات وزفت اكثر شي الموظفات اللي كانوا حاشين فيني لان قاعدين يسولفون وضحك واكل ومطنشين شغل المدير

وقالت لي منو قال لج تشتغلين بالاوراق انا مكلفتج بشي معين لا تسوين شي فوق طاقتج

وهذيلاك طبعا كلهم راحوا ياخذون الاوراق بعد الزف

لما راحوا وبقيت انا وياها قلت لها والله المدير طلبني بالاسم

جان تقول اذا المدير غفل انا ما اغفل وانا ما ابي اخليج بوضع المستغل

قلت لها بس والله ابي اساعد

جان تقول انتي تهبلين وكل شي وحتى لو كنتي مسويه هالشي من طيب خاطر انا ما ارضى اعطيج شغل فوق طاقتج

واااااااي شنو بردت جبدي :yaaaaaarb: ومستانسه لان زفت اللي قاعدين يحشون

بس بالطلعه ما ادري شنو قالو لها

لدرجه لما قلت مع السلامه ولا وحده ردت علي :eh_s(1):

يبين باجر شنهي بتكون الاوضاع

فالله المستعان :yaaaaaarb: