السـلام عليكم والرحمـه ,,
:eh_s(7)::eh_s(7): هذي اول تجاربي بالروايه ,, اتمنى انكم تساعدوني بردودكم ,, وتسامحوني عالبدليات والاغلاط ,,
ملاحظه : بحط صور هدومهم وجذي يعني اعيشكم الجو
وان شا لله تعجبكم ,,
الجـزء الاول ,,
جانوووو زهـبيلـي ريووقي يوووعانه حدي
على الدرج نازله وبكل دلع مبوزه شفايفها ,, على طولها الجميل وبنطلون ميسوني الوسيع وبلوزتها الاوفوايت الرفلز مع فيونكه عالرقبه وقفت جدام المنظره تضبط ترجية الشانيل اللولو العنونه وهي ميوده فيست الفرو الجملي
جانيت : احلى هوت جوكليت لاحلى ديموزيل
ريم : حده لذيذ يسلمو دياتك جانو ,, يلا انا بمشي صبحي على ماماتي بدالي
شالت جنطتها المالبري البنيه وحركت سيارتها ,,
افففف شهالبرررد الله يرحمك يا بيتنا الجديم كنت داافي ,, مدري هي وحشة الغربه ولا دفاك كان المحبه
جابر دخيلك لا تقصد علينا من اولها سير جريدتك وتفلسف براحتك
جابر : الواحد ما يعبر عن مشاعره يعني
جواهر : ههههه امش بس امش يابو مشاعر
جابر انا سابقج عالسياره لا تبطين
,, طلع بيحر سيارته المرسيدس السي ال اس ,, وشافها ,, اوووله كل هذا كعب شدعوووه
ما سمعته ريم لي كانت بتحرك وهي تسمع ادعية الصبح
بس هو قلبه لي حس بلسعه حلووه ,, وابتسم وهو ينادي جوااهررر يلالالا
,,
وصلت الجامعه وهي تسفط السياره نازله ولابسه نظارتها البرادا وتمشي بثقـه وهدوء يخلي كل حد بالغصب يلتفت لها ,, الشباب معجبين وبعضهم مستنكرين ,, والبنات غيرانين والثانيات يبون يشوفون مس ريم شنو لابسه اليوم ,,وتعليقات الجامعه لي ما تخلص
ريم ,, جمالها مب صارخ بس جاذبيتهاااا غريبه ,,
عيونها وسيعه ومدوره مثل عيوون اليهال ورموشها طووويله وسود لدرجة ملفته ,, حواجبها الكثيفه لي مخلتنها وايد بيبي فيس مع بياضها اللذيذ ,, شفايفها المليانين فتنه ,,
وغمازة الحنج لي خلت ملامحها خليط بين البدوي والشرقي ,, ريم تتميز بشي طولها لي وصل لل 171
وجسمها المتناسق لي فيه امتلاء مثير
,, صباح الخير استاذه ريم ,, عندج اجتماع مع البورد البريطاني ,, واجتماع مع هيئة التدريس ,,
مشكوره تهاني ,, صباحج ورد ,, شوفيلي دعوات الايفنت براجعهم قبل لا ندزهم
,, بمكتب قريب ,, الو مستر محمد مس ريم وصلت ,,
محمد : ثنكس لمى بشوفها
,, محمد جنتلمان الجامعه الحياوي بجسمه المعضل ولحيته السودا وخشمه لي كان سلة سيف ,, استاذ حقوق مذوب قلوب العذارى ,,
, تفضل ,, بصوتها الطفولي لي تحاول من يوم هي فالثانوي تثقله ,,
محمد : صباح الخير شلونج ريم
" يسعدلي صبااحك يالغالي اشتقتلك يا محمد "
بخير اخوي محمد تفضل ,, قهوتك ساده صح ,,
"اخوي يا ريم ,, متى بس تشوفيني غير هالاخو "
لا مو ياي عشان القهوه كنت براجع معاج موضوع اجتماع هيئة التدريس
ريم : ما يخالف محمد خلها عقب اجتماع البورد انت تعرف البريطانين حدهم ستركت ,, مابى اقولك شي وتالي يفرون مخي وارد اغير,,
محمد :عيل اذا جذي خلنا نشرب القهوه ههه
ريم : ولا يهمك ,, تهاني قهوه ساده ما عليج امر ,,
,, سنتين وانتي كل يوم تشوفينه يا ريم ,, وبعدج ما سمحتي لدقات قلبج تهمسله " جذي احسن اخاف اكون بس تعودت عليه واعجاب من طرف واحد ,,
محمد : عن اذنج ,,
رفعت عيونها وطاحت بعينه ,, لحظات تكهرب الجو,, وخلص اكسجين الغرفه ,,
قطعها دق تهاني ,, مس ريم البورد بيوصلون خلال 20 دقيقه
,, ريم : اذنك معك مستر محمد ,,
ابتسم ابتسامه صفرا ,, وبخاطره يبى يخنق تهاني
ابتسمت بقلبهاااااا ,, وطلعت تستقبل البورد بغرفة الاجتماعات مع العميد وبقية الاساتذه
,, بوحده من مقرات جريدة الوطن العريقه ,, جابر كان يراجع عموده الاسبوعي ,, ويتاكد من قوافي قصيدته ,,
,," ما حن قلبك علي ؟؟ ,,
كان هذا المسج لي كدر خاطره ,,
ياما حن قلبي عليج وايد ووايد ,, وانتي لي خسرتيني يا سندس ,, ااااه ,,
سندس : قلتلك مابي يهال تونا معرسين حرام عليك جسمي تعبت عليه ,,
جابر : جسمج !! يا يبه انا خذتج مو عشان جسمج ولا عشان اليهال خذتج لاني حبيت عقلج وتمثيليتج الحلوه انج مثقفه وواعيه
مادريت انج انسانه بقمة السطحيه ,, حرام عليج مو كافي الاجهاض لي سويتيه من وراي !!
سندس ,, ارتبكت ورجف صوتها,, عن شنو تتحجى اي اجهاض
عبالج انا ما ادري عن سواياج الشينه ذبحتي ولدي وسامحتج ,, والحينه حتى حقي ما تبيني اخذه
اوووه جابر حدك مكبر الموضوع
يبا انا هاد لج البيت والي فيه وخل جسمج ينفعج ,,
هذا كان بداية سلسلة الهوااشات بين جابر وسندس ,, لي خلتهم ينفصلون بعد سنه ونص من زواجهم
جابر كان حساس ورومانسي شاعر وروائي ,, وسيم برونزي بشعره الرمادي مع ان عمره صغير بس صارت صفه جماليه معطتنه هيبه
ورزه مع طوله وجسمه المرتب ,, وعيونه العسليه الفااااتحه ,, وشفايفه لي مبين عليها شوي من تاثير الزقاير ,,
بعكس سندس خريجة الاداب الجميله ام العيون السود والشعر الاسود الغجري والجسم الرشيييق النحيل ,, لي خلاها تصير اميرة روايات جابر ,, كانت تبى ريال وسيم يناسب جمالها وجسمها لي وصلت له بعد معاناه مع المتن ,,
,, هووب يابو سالم شفييييك ملحوس عقلك
جابر : تصنع ضحكته لا ماكو بس قاعد ااضبط المقال
علي : بمشيها لك بس بشرط
جابر : هاه شنو بعد
علي : تيي وياي جامعة البيان باجر ,, عندهم مؤتمر عشان اندماجهم مع الجامعه البريطانيه ,, والله مززز هالجامعه
اضبطك انا ,,
مع انه يرفض هالطريقه بس قال يالله امري لله بروح وياك عل وعسى اغير نفسيتي
,,
الساعه 3 ونص العصر اوصلت ريم البيت ,, وهي نازله بحوش بيتهم فلت عجفتها وطاح شعرها البني الاشهب لي نص ظهرها وقعدت تسوي حركاتها الطفوليه وهي شايله كعبها بيدها وتتمخطر ,,
ريموو يمه متى تكبرين شيبتيني وياج,,
الله يرزقج طولة العمر يايمه فديييتج الله يخليج لي ,,
يا يمه انا مو دايمه لج لي متى وانتي على هالحال
رمشت بعيونها وهم داشين البيت ,, الله كريم يمه
الله
كريم ,,
عطوني رايكم ,, ان شا لله اذا في تفاعل بنزل البارت الثاني
