الفزعه من الجميع (أبورمح ؟ ! )
اغنام - ابل - دواجن - طيور
السلام عليكم ورحمة الله وبركاته
مساكم / صبحكم الله بالخير جميع
يا الربع ابي رايكم وخبرتكم العلاجات موت حلالي الله لايخسركم ويعوض علينا
بعطيكم فكره عن الحاصل ( عندي قطعة عوارض مشتريها قريب والشهرين الي راحت كانت في شبك ذرا فقط بدون غرفه والاسبوع الماضي جبنا لها الغرفه بلكاش )
مات عندي من الكبار ثلاث وعناق وثلاث سخال وبعطيكم بالتفصيل :
ثنتين من الكبار مريضه من شريتها وما ابطت والاخيره قبل اسبوعين ولدت وخذت لها كم يوم ورم ديدها وماتت في لليتها ولا اعلم السبب ؟
العناق ضعيف ولا لاحظت عليها شي ثاني والله واعلم البرد ذابحها !
نجي للأهم السخال اول واحد مات عقب اول المطر الي جانا ووديته للبيطري وقاس الحراره منخفضه جدا لدرجة ان الجهاز ما اشتغل وعطاه من ذا العلاج
http://www.m5zn.com/d/?14368349
بعد اقل من ساعه مات والبارح واحد من السخال يرضع امه وما فيه الا العافيه فجأه طاح وضاق نفسه المهم قسنا الحراره 34 وعطاه البيطري نفس العلاج الي فوق اضافة الا هذا
http://www.m5zn.com/d/?14368350
اخذته معي البيت ما جلس ولا عشر دقايق وفطس واظهر دم تقول معه ماءمع فمه المراد ان فتحت بطنه وهذا صوره للرئه
http://www.m5zn.com/d/?14368351
ولاحظو الجزء الملون بالاخضر والدكتور يقول هذا ابو رمح ؟؟؟ وصرفلي هالعلاج
http://www.m5zn.com/d/?14368352
ولاطعمت شئ من الحلال الا بعد الاستشاره لان هالسوري يمشي بضاعته علي على غير فايده وانا سئلت عن ابورمح من اعراضه ارتفاع كبير في الحراره فكيف هذا ابورمح وحرارته منخفضه ؟؟
يا الربع لا تخلوني في حلالي عطوني رايكم وتشخيصكم لها الحاله الاخيره لا يصير ابورمح ويدمر باقيها والا الي راح الله يعوض خير
والمعذره على الاطاله
hgt.ui lk hg[ldu (Hf,vlp ? ! )
