البنت اللي ماتحترم ام الزوج وتطلقت هل تتحسف بعدها ؟

هاي :eh_s(8):

بنات
بسألكم
الحين مثلا وحده طلبت الطلاق من ريلها
يعني مانقول انه يخونها او يبخل عليها او يطقها لا
اهمه ماكانوا متفاهمين او اختلفوا على امور مالها حل وتبي تتطلق منه نقول مارتاحتله او ماتفاهموا الأثنين او تسرعت البنت بالزواج

البنت هذي رفعت صوتها اهيا وامها على ام ريلها بالتلفون
خصوصا اذا ام ريلها تحب زوجة ولدها وتتصل عليها وتحترمها واهله زينين بس البنيه هذي ماحترمت امه
حتى لوكان الريال فيه عيب وماعجبته او ماتفاهموا بشي معين او حياتهم صارت مستحيله ويبون يتطلقون

هل لي رفعت صوتها على ام ريلها بالذات وصرخت بويهها بالتلفون تتحسف على طلاقها وعلى ريلها ؟
بعد الخلوه وقبل الدخول ردتله نص المهر 3000 وهو 3000


وهي مطلقه الحين ماتفكر وتقول يليتني مارفعت صوتها اهيا وامها على امه بالتلفون جان على الاقل ماخذوا عني فكره ؟ جان طلبت الطلاق بإسكات بدون لا اسوي بأمه جذيه وهي مالها شغل بالموضوع بس عشان ابيه يطلقني بسرعه

انا اللي اشوفه مهما كانوا زوجين مومتفاهمين خلاص يتفقون عالطلاق مثل مااتفقوا عالزواج ويصكرون الموضوع بدون هواش
لان هالموضوع يعني ينتشر بين الحريم وتصير سمعته البنت موحلوه خصوصا اذا امها معاها بالسالفه انها رفعت صوتها وكانت وياها

يعني وهي مطلقه ماتتحسف طول على هالغلطه اللي سوتها ؟
لدرجه ان امها اللي اهي امها بدال ماتربي بنتها عدل قبل ماتتزوج تشجعها وتتل السماعه منها وترد على امه ويصرخون عليها
باجر يسألون عنها ويدرون بالموضوع ولا ريال يرضى فيها كافي ان اسمها مطلقه
الوحده لي طلقت وين تضمن ريال زين !!!!

لان هذي بدايتها جذيه واسلوب ماعندها وحتى امه ماحترمته

كان الافضل انها تنهي الموضوع بدون لاترفع صوتها لان عيب صج صج عيب :eh_s(14):
يكفي ان امه والولد كان يحترمون الاهل بس كل هذا عشان مومتفاهمين راحت تسوي جذيه عشان تبي تتطلق وخلاص وهو قايلها خلاص ماتبيني بطلقج كيفج انتي اللي تبين موانا وماكو شي بالغصب وبواعد ابوج عشان يروح وياي المحكمه ونخلص

شلفايده تطلقت وسوت بأمه جذيه المسكينه دمعت عينها حرام ماتوقعت هالناس جذيه وهي قبلها بشهر امه عازمتهم بالبيت عالعشا ويسولفون وعادي ماكان فيهم شي ولا مبين عليهم جذيه لسانهم طويل ومومحترمين ؟!؟! شحلاتهم بالملجه وفجأة طلعوا موكفو حشيمه وكرامه

تهقون ماتتحسف بعدين ؟ حتى لوتزوجت او دروا الناس عن هالسالفه لي بقوا يخطبون هالبنيه ويدرون بهالسالفه ماتقعد تتحسر وتندم على هالشي ؟ ماخافت بعدين لي تقدملها واحد يدري بالسالفه ويفركش الموضوع ؟

انا وحده اشوف هالشي غلط غلط غلط اللي سوته حيل حيل حيل لان الام مالها شغل مومسويتلهم شي كلش مهما كان بتطلقون مونهاية العالم خلاص دام قالج بروح المحكمه وبيواعد ابوج خلاص ماله داعي تسوين جذيه عيب
لوكانت ساكته وتطلقوا بسكات جان على الأقل حافظتي على سمعتج انتي وأمج اللي ماعرفت تربيج عفيه على هالأبو اللي ماعرف يقص لسانج

شرايكم تتحسف اللي تسوي جذيه ماتندم ماتخاف باجر لي رزقها بريل ويسوي فيها مثل ماسوت بهذاك ماتحس بالذنب وماتتوفق ؟