تجربتي مع تقشير الوجه والمناطق الحساسة بالبيت

حياكم يا حلوين حبيت افيد الكل بعد ما استفت والحمد لله راح الكلف والنمش مال الحمل لا وهم بعد راحت المسامات الواسعة وصارت بشرتي نفس البيبي

اول شئ رطبت بشرتي عدل كام يوم قبل ما ابدي في التقشير وكريم الترطيب اسمه سيفوتيل
تاني شي جبت كريم تريتسبوت للتقشير الحبة وقت ما جبتها كانت علي ثلاث دناينير والحين الحرمه زادت سعرها الله يقطع شيطانها صارت بخمسة
المهم جبت التريتسبوت واستخدمته زي ما قالتي علي طريقته انك اول مرة تحطيه بس نص ساعة وبعدين تغسلي بصابون طبي خالي من اي كيماويات وانا استخدم عسول اسمه كيو في تحصلونه بالصيدلايات
وبعدين كل يوم تحطي التريتسبوت وتوزعيه زين علي وجهك او المكان اللي بتقشرينه بس ما يصير تحطينه اكتر من ست ساعات يعني بعد ست ساعات غسلي ويهك وبعدين حطي المرطب وهكذا خلال اربع ايام يبتدي يتقشر بروحه لاتشيلي القشرة هي تطيح بروحها
ووقفي يوم وبعدين ارجعي حطي تاني لين ما تكملي اسبوع واذا طلعتي في الشمس وقت التقشير حطي كريم واقي
وبعد ما تنتهي من التقشير هاتي كريم تفتيح من الصيدلية اسمه افالون ويتننج تحفة وكل يوم حطي مرتين صبح وليل
انا حطيت كريم التفتيح علي المنطقة الحساسة بس لانها كانت غامقة عندي لكن بشرتي بيضة الحمد لله ما احتاج تفتيح بعد التقشير