عودة حسن العتيبي للمرمى الهلال

بعد الاشتباه في استخدام خالد شراحيلي للمنشطات واحتمال ايقافه لمدة عامين اصبح الفريق يعاني من نقص في مركز الحراسه يعني مافيه الا السديري والشمري وكلنا عارفين ان السديري تنقصه الخبره مع انه ماشاء الله تبارك الله مبدع ولكن احيانا يقع في اخطاء لنقص الخبره اما الخلوق الشمري فللاسف وضعه على على دكة الاحتياط اثرت على مستواه وماحد يلومه يمكن يكون اكثر لاعب في العالم صبر على الاحتياط يعني ينافس طيب الذكر منصور الاحمد احتياط للامبراطور صالح النعيمه من المستحيل يقدم فهد شيء لفريق بحجم الهلال وهو كل عمره احتياط .

الزبده اتمنى من المسئولين اعادة الحارس الكبير حسن العتيبي للفريق وحل الخلاف بينه وبين كومبواريه لان الفريق الآن في وضع لايحسد عليه .

يمكن البعض يقول العتيبي ترك الكوره واعتزل وانا اشوف ان هذا مايمنع من عودته لان فيه لعيبه يتعرضون لاصابات وينقطعون لاكثر من ستة اشهر ويرجعون بقوه وحسن مبتعد من حوالي ثلاثة اشهر يعني كلها حوالي اسبوعين ويرجع للفريق بقوه .

المشكله ان التفريط في الحراس المخضرمين في نهاية مشوارهم بسبب المدربين اصبح عاده هلاليه فبسبب جريتس فقدنا الاسطوره العالمي محمد الدعيع مع انه كان ممكن يعطي لحوالي موسمين والآن بسبب تعنت كومبواريه فقدنا العتيبي مع انه حارس مميز .

الهلال اصبح في وضع محرج في مركز الحراسه خاصة بعد انكشاف خط دفاعنا للجميع ووضح ضعف الدفاع حتى بوجود مانقان ورحيله .

حتى لو فكرت الاداره والجهاز الفني في التعاقد مع ثنيان التعاون او كسار الرائد او غيرهم ما اعتقد ينجحون مع الهلال لان اسم الهلال مرعب لأي لاعب بجي من فريق صغير فمن الأولى ارجاع العتيبي والاعتماد على السديري والاهتمام بحراس الاولمبي الهلالي بدلا من التعاقدات الغير نافعه.