بالله عليكم اللي يعرف رد لموضوعي يرد عليا

السلام عليكم .. انا حلمت كذا حلم وعايزه تفسير ليهم الله يخليكو ؟؟ اول حلم حلمت اني لابسه فستان جميل اوي وكنت بقيسه في محل ملابس عشان اشتريه وكان عاجبني اوي اوي وسالت ماما علي رايها فيه قالتلي حلو بس مش عاجبني اوي ومدام انتي عايزاه خلاص خديه بس كان الفستان قصير لغايه الركبه وكنت لابسه تحته شراب وكان في عيب واحد بس في الفستان انه كان مخلي رجلي فيها اسمرار كده مع اني كنت لابسه تحته شراب لونه فاتح وكان واقف معانا في المحل واحده صاحبت ماما وسالتها علي رايها في الفستان قالتلي ده جميل اوي اوعي تسييبيه ... ده اول حلم وتاني حلم بعدها بفتره حلمت ان انا بمشي في البيت لقيت ناس كتير اوي عندنا وبيقولولي ده العيد وكانو بيحتفلو بالعيد وشفت خطيبي ( كنا مخطوبين بس فشكلنا من سنه وشويه ) وكنت بديله حاجه وانا كنت متوقعه انه يكون زعلان مني ومش هيكلمني عشان حصلت مشاكل وفسخنا بعدها الخطوبه بس لقيته بصلي بعتاب شويه وبعدين ابتسم واديته حاجه كده زي شوكه ومشي وانا ابتسمتله قبل ما يمشي وخلص الحلم .. مع العلم ان خطيبي ده اتجوز دلوقتي ومستقر في حياته وانا مش عايزه ارجعله خالص ولا بفكر فيه .... تالت حلم .. حلمت اني اتجوزت بابا ونازلين نتفسح في شهر العسل بس تقريبا محصلش حاجه بينا .. بس في حاجه انا عايزه اقولها ان انا انسه ومن فتره اتقدملي شاب واعجبت بيه بس حصلت مشاكل كده وسوء تفاهم وبعدنا عن بعض وبعدين حاول يرجعلي ولما قلتله اني عايزاه وموافقه عليه بعد عني وسابني وقالي انه مش عايزني عشان انا جرحته وكسرته ومبقاش يحبني بس انا معملتش كل ده هو مزودها اوي المهم عشان مطولش عليكو هو بقاله كام شهر سايبني وانا لسه عايزاه ولسه بفكر فيه وبدعي ربنا انه يرجعلي ... والاحلام دي حلمتها بعد ما سابني ودعيت ربنا كتير عشان يرجعلي .. انا اسفه جدا اني طولت عليكو وجزاكم الله خيرا

عليكم السلام ورحمة الله وبركاته

حياك الله أختي الكريمة وبارك الله فيك

أسأل الله أن يوفقك لما هو خير لك وأن يكتب لك الخير حيث كان

أولاً ينبغي أن لانتعلق بالرؤى وكلما رأينا رؤيا بحثنا عن أي شخص يؤولها لنا

فهذه المنامات ليست كلها رؤى صحيحة فأغلبها حديث نفس أو تلاعب من الشيطان

ثم إن وضع الرؤى في أي موقع والبحث عن مفسر مهما كان ونحن لانعرفه فهذا خطأ بيِّن

لأن هناك من يفسر بغير علم ويقول لك أمور قد يفسد عليك حياتك وهو لايعلم
فمن خلال كلامك عن نفسك وحالتك مع خطيبك يستطيع كل شخص أن يقول لك أي كلام إما يسعدك أو يغيضك وهو غير صادق

فعلينا أن ننتبه لهذا الأمر ولا تأخذي كلام من يرد عليك بالقبول

وعليك الإكثار من دعاء الله والتمسك بالطاعات وترك المنكرات والمحافظة على الفرائض وسيجعل الله لك فرجاً ومخرجاً

وأوصيك بالاستخارة وتكرارها حتى يختار اك الله الأصلح
فقد ترتبطين بهذا الشخص وتكثر المشاكل فيما بينكما ثم يحدث الطلاق فقد حصلت المشكلة وقال لك بأنك جرحتيه وأنتما لم ترتبطا إلى الآن وهذا تنبيه لك حتى تراجعي نفسك وتفكري جيداً قبل الاقدام

أسأل الله أن يجعل لك من كل هم فرجاً ومن كل ضيق مخرجاً ومن كل بلاء عافية