تهقون اكون حامل مع انه الدوره انزلت هالشهر

السلام عليكم حبيباتي
بقولكم حالتي وامانتكم امانه اذا وحده عندها فكره عن حالتي تقولي ربي يجزاها الجنه :yaaaaaarb:
انا يتني الدوره قبل موعدها باربع ايام وهذا اول مره يحصل انا دورتي اتجدم يومين او تاخر يومين مو اكثر
او بنفس الموعد تييني المهم
دورتي انزلت بدون الم كلش ماحسيت بالم الظهر او المغص اللي انا متعوده عليه قبل الدوره حتي بعد مانزلت ماحسيت لاعراض الدوره
اول يوم انزلت بعد صلاة العشاء بس الله يعزكم اذا دخلت الحمام اشوف الدم ولا لبست فوطه صحيه لانه ماينزل الدم فقط اذا مسحت بالكلينكس اشوفه دم احمر صافي مو نفس دم الدوره اللي انا اعرفها
ثاني يوم لبست الفوطه الصحيه وكان ينزل دم احمر بس قليل
ثالث يوم مالبست فوطه صحيه لانه الدم ماينزل بس اذا مسحت موعدي مع الدكتوره السبت الياي لاني كلمتها وقلتلها عن
حالتي قالت اذا مانزلت الدوره طبيعي وشاكه فيها اسويلج تحليل حمل
سبحان الله معقوله اكون حامل مع نزول الدوره
واذا تحليل الدم طلع سالب وماكوا حمل اتهقون هذا شنوا يعني احتاج علاج للنزول الدوره طبيعي
والله انا قبل الدوره واثناء الدوره وبعد الدوره ارجع وعندي صداع فضيع
ولوعه وخمول والله العالم شنو حاااالتي
فيكم احد بنات مر بحالتي او سمع فيها او مرت عليه فيدوني يزاكم الله خير احاتي الى موعدي عند الطبيبه
انا اقدر من باجر احلل بس انا افضل اروح لطبيبتي واهي اتشخص حالتي بس قلت اسالكم الى ان يجي موعدي
وشكرا مقداما