تخبطات او فكر إداري ؟؟

السلام عليكم ورحمة الله وبركاته،،
حبيت اقدم لكم بعض هذراتي واتمنى انكم تتحملوني للاخير ...

اولا احب ان اشكر ابو فيصل على كل مايقدمة وانا متأكد انه راح يقدم كل ما يستطيع حتى يرضي هذا الجمهور ،، بداية بالتعاقد مع يوسف السالم واخر شي الوحش جوستافو والأهم انها محاولة للترميم الفريق حتى يكون على قدر التطلعات

ولكن بكل صراحة اصابت الحيرة المشجع الهلال بسبب تصرفات الإدارة الغربية،، وانا كمشجع بسيط لا استطيع الحكم على القرارات اللي اقل ما يقال انها محيره لنا جميعاً.. ولكن ما في احد يقدر يحكم على القرارت انها صحيحة او لا الا بعد فتره لان الشواهد كثيرة واخرها التعاقد مع الروماني رادوي اللي كلنا كنا معارضين عليه ومنزعجين منه ولكن بعد فتره صرنا نتغنى برادوي وزعلنا كثير لما انتقل للعين.


انا راح اذكر بعض القرارات الغريبة اللي اشوفها محيرة من وجهة نظري
اول شي: الاستغناء عن مانقان
مانقان بدأ يتاقلم مع الفريق وصار علامة فارقة في الفريق صحيح له بعض الهفوات ولكن ما ننكر انه في تحسن مستمر لكن الغريب انه اعارته تكون مع افضلية الشراء
يعني لا قدر الله وجته اصابة نهاية الموسم هذا مع الفريق الانقليزي راح يرجع للهلال ونرجع نعالجة ونعطية فتره تأهيل وكل هذا الوقت على حساب النادي والخانة. كنت اتمنى ان يجلس في الهلال او يتم بيع اللاعب نهائي من الحين.

الثاني الأبقاء على هرماش
صحيح ان قوة المحاور تكون ستار قوي للدفاع والحراسة يعني لو عندك محاور جبارين اقدر اخلي المرشدي ينزل الملعب ببراد نعناع :d لكن حرام نخسر محترفين اثنين في نفس المركز واتوقع انه فيه لاعبين في الالومبي ممكن يلعبون مع جوستافو

الثالث: اللي حير علماء ناسا الكوري مدري وش اسمه :to: (لي يونق)
مره اقول حرام يلعب في الدوري الهندي ومره اقول فنان اذا احنا كجمهور مختلفين عليه اكيد الإدارة نفس الشي


انا ما اقدر اطرح حلول او اتفلسف :d لكن اللي ودي اقوله ان الإدارة هي اللي اقرب للفريق وهي اللي تعرف وش اللي يحتاجه وفي كل الحالات التوفيق بيد الله
ومتأكد انه اي قرار تتخذه الإدارة بيكون وفق معطيات معينة توحي انه القرار الصحيح ولكن محد منا يعلم الغيب


ما يستفاد من الموضوع::d
1- اركدوا يا اخواني وخلو الإدارة تشتغل ولا تكونوا مثل جماهير بعض الاندية تطير بالعجة
2- جيبوا لي الكوري خلوني اتفاهم معه بخليه يرسى على بر يا يقنعنا نخلية يا يقنعنا نشيلة في النص كذا ما يمشي مع زعيم اسيا
3- الله الله بالحظور يالربع ادعموا النادي والاعبين والإدارة تخيل شعور ابو فيصل بعد كل التعب والمبالغ اللي يدفعها وفي الاخير الحضور الف او الفين (والله غبنة :mad:)



تحياتي لكم وان شاء الله ما طولنا عليكم :ba: