ولهامسون رجع من خلال الدوري الاماراتي ..فرصه نستمتع مره ثانيه

ما اعتقد ان فيه لاعب اجنبي حب الهلال واخلص له وبكى من اجل الهلال مثل الغزال الاشقر((ولهامسون))لاعب عشق الهلال من كل قلبه والقهر انا كهلاليين تخلينا عنه قبل موسمين للاهلي القطري وهو في عز مجده وابداع علشان المغرور والمتغطرس ((ايمانا))وبعد ما عرفنا قيمة وقدر السويدي الاشقر طلبنا منه العوده ورجع بعدا ماجندل نجوم جوفنتس في مباراة اعتزال الدعيع رجع ولي وابدع مع الهلال وكان آخر سطر كتبه النجم الكبير كان في مباراة السباعيه في مبارة بني ياس وابدع ايما ابداع .

ماعمر ولهامسون اشتكى من عدم التأقلم في السعوديه مثل غيره الا الرجال مبسوط ومخيم في الثمامه.

وقبل قليل كنت اتابع اخبار الدوري والكاس القطريه وتفاجأت بأن ولهامسون رجع للخليج من خلال الدوري الاماراتي وتحديدا لنفس الفريق اللي لعب ضده في اخر مباره للهلال أي اصبح الي من احد لاعبي بني ياس الاماراتي وصراحه تذكرت ابداعاته ولمساته واهدافه وصناعتة للاهداف وتمنيت لو ان الاداره الهلاليه ابقت عليه او اعادته مره ثانيه ىنه بصراحه لاعب فنان وخطير ومتعب للخصم بدلا من التجارب اللي ماجابت لنا أي نتيجه .
من كل قلبي أتمنى له كل توفيق ومن الآن رح نتابع الدوري الاماراتي من اجل عيون النجم الخلوق ولهامسون