||* اسئلة عن الولادة تهمني ولكل البجريات واتمنى تجاوبوني *||

السلام عليكم يا حلواات

حبايبي انا بالتاسع وموعدي 31-1*

عندي وايد استفسارات شاغلتني وان شالله اتجاوبوني عليها عن الولاده ..*

اول شي من بداية التاسع رحمي مفتوح 1ونص وكانت عندي تقلصات وخذت درب مع دوا يخففها والحمدالله راحت*

والحين باخر موعد تقولي الدكتورة الماي ناقص شوووويه بس عن المعدل الطبيعي ولازم اشوفج بالاسبوع مرتين عشان اقيسه واذا استمر بالنقص بعطيج طلق وبولدج .. باجر موعدي الاحد ان شالله واذا ناقص بتعطيني فرصة للاربعا واذا بعد نازل بتدخلني ولاده على طول ..*


غير جذي اتريا موعدي وان شالله طلقي طبيعي مابي صناعي ..*

وانا ناويه ان شالله اخذ ابرة الظهر ..*


عطيتكم فكرة مبدئية عشان تعرفون عن شو ابغي اسال .. واتمنى تجاوبوني على كل شي وبالتفصيل عشان افهم كل شي وارتاح *



1 - اوول الطلق سواء طبيعي او صناعي يكون خفييف او قوي ؟؟ والطلوق تبدا بالتدريج ولا تفاجاني وبين كل طلقه وطلقه كم من الوقت ؟*

2 - الماي اذا الدكتورة بتبطه بايدها او شي يعوور ولا ماحس فيه ؟ واذا بينزل علي الماي طبيعي فالبيت ينزل بقوه ولا شوية ؟؟ اخاف يفاجاني وانا باي مكان واغرق الدنيا واتفشل !!

3 - مثل مانعرف انه ابرة الظهر تنعطى عقب مايفتح الرحم 3 - 4 سنتي .. انا كيف الحق للمستشفى واكون مفتوحه هالقياس ؟؟*

4- للي مجربة ابرة الظهر عقب مايغزونج الابرة تقدرين تقومين من مكانج تمشين وتتحركين والا لازم منسدحه عالسرير ؟؟ لاني جربت بالتخطيط ماقدرت انسدح ع ظهري وايد احس شي قاعد ع صدري يغمتني :(*

5- متى يعطوني ابرة الشرج ؟ وعقبها كيف اقوم للحمام واكيد بتعصر وبشد لانه فيني امساك من شهر تقريبا هالشي مابياثر اخاف يطلع اللي فبطني !!!!

6 - عقب مااولد ان شالله البيبي بيلبسونه ملابسه عقب ماينظفونه .. اي طقم اعطيهم ؟؟ انا بودي طقمين عاديين وطقم كاشخ نفس نفنوفي والفراش وجذي ..*

7 - قالتلي الممرضة اني عقب مااربي ب4 ساعات اقدر ابدل ملابس المستشفى والبس ملابسي*
* * *ف شنو البس *؟؟ الطقم الكاشخ ولا اي طقم ؟؟ اهل ريلي من يعرفون اني ولدت كلللهم بيوون المستشفى كبيرهم وصغيرهم يعني مطيحين الميانه وماقدر مااقول لهم لا اتيوون الحين .. ريلي لازم يبشرهم*

8 - غير نفنوف الاستقبال شو اخذ معاي ؟ انا ابغي اخذ بجايم دافية اريح لي وخواتي وام ريلي يقولون لي قميص نوم قطني ودورت مالقيت واحس بروده علي البجايم ادفى انتو شو رايكم ؟؟*

9- لازم اتسبح فالمستشفى عقب الولاده ؟؟ احس مابيكون فيني قوة اوقف تحت الشور وخياطه وبهدله .. خواتي مايتسبحون عشان البرودة وحده بس منهم سبحت ومرضت وايد وام ريلي تقولي لازم تسبحين والجو باارد شسوي*



اسمحولي عالاطااله بس ابغي اعرف كلل شي لاني بروح المستشفى بروحي ومحد معاي الا ريلي ومابغي اتلعوز هناك*

والله يسهل علي وعلى كل حاامل يارب والله يرزق كل محرومه*
*
(( مابي نصايح عن ابرة الظهر انها مب زينة وتسبب شلل وغيره اذا الله كاتبها لي باخذها )) (( واللي تقولي اسالتج تافهه واقري ادعية تسهل ولادتج احسن تراني اقرا الحمدالله وادعي بس ماحب اروح وانا مادري شو بيصير فيني كافي العوار اللي بجوفه وماعرف شي عنه ))*