سر هبوط الاهلي وتفوق الهلال والاتحاد والشباب

السلام عليكم ورحمه الله وبركاته

كتبت هالموضوع بسبب تاخر صفقه توريس والي تدل على ضعف الاهلي العام

في البدايه ابي اذكر لكم عدة نقاط ...

1/ توهج وتالق الاعبين خارج النادي الاهلي
2/ سبب حقد الفرق وجماهيرها على النادي الاهلي
3/ النادي الاهلي بجماهيره مافيهم بركه < الا من رحم الله

النقطة الاولى
1/ توهج وتالق الاعبين خارج النادي الاهلي
أ/ الاندية الاخرى عارفه وايش تبي من الاعب راسمتله طريقه ( له الي له وعليه الي عليه )
ب/ الاعب عارف انه اذا ماقدم بيركن احتياط واذا طول راح ينباع
ج/ الاعداد النفسي الجيد واللعب بدون ضغوطات ( بالطرق الشرعيه والغير شرعيه )

النقطة الثانيه
2/ سبب حقد الفرق وجماهيرها على النادي الاهلي
أ/ تميز النادي الاهلي لا يخفى على احد ( عربي او اجنبي ) بيليه وماردونا وكرويف تصورو بشعار الاهلي
ب/ التاريخ الطويل المشرف والمرصع بالذهب بعيد عن وسائل الاعلام والغش اجيال الاهلي كانت دائما متفوقه وحصدت الالقاب مع الذهب ( قلعه الكوؤس وقلعه الرعب )
ج/ اناقه النادي الاهلي ومنسوبيه كافه ( ثقافه / علم / رياضه ) احمد عيد وعبد الرزاق وعبد الجواد والشنيف

النقطة الثالثه
3/ النادي الاهلي بجماهيره مافيهم بركه < الا من رحم الله
قبل مااتكلم في هالنقطة انا مااغلط على الاهلي انا فقط اقول العيوب وانا مشجع اهلاوي ابن مشجع ولاعب اهلاوي متعصب ( وصلت انه يقول ولدي لو يشجع الهلال اقتله ههههههه )
أ/ رغم وجود لاعبين ممتازين جدا الا انهم للاسف مايقدمون شي ( مثل الحال في ريال مدريد ايام زيدان ورنالدو ) فيه كوؤس بس ماهي بقدر النجوم ( ضغوطات / عدم احترام الخصوم / غرور بقوة الفريق )
ب/ الجمهور رغم ان الجمهور الاهلاوي الاميز والاجمل والاوفاء الا انه للاسف يضغط الاعبين ضغط مو طبيعي ( شتم للاعبين / تجريح / ضغط نفسي رهيب ) الاستهزاء بالخصوم
النادي الاهلي الافضل بس الجمهور يستفز الاندية الاخرى
مثال بسيط للتوضيح ( افضل شخصيه في الدولة الملك مافيها كلام ) عيال الملك لو جلسو يغلطو في الشعب ابونا ملك وانتم ابوكم مهندس وفقير وانت غني بس ماتوصل لجزمة ابونا
وابونا وابونا الشعب يتنرفز ويبدا يغلط ويطلع عيوب الملك هذا مثال
ملكنا عبد الله خادم الحرمين الشريفين تاج روؤسنا < يبلع ريقه ههههههه
ج/ ادارة الاهلي وهي الاساس وهي عقل الاهلي والمحرك الرئيسي واجبها التثقيف
تثقيف الاعبين / الجمهور / الجهاز الفني / تثقيف انفسهم
اصلاح الاخطاء للاسف في اخطاء كثيرة مو عيب انك تغلط بس العيب انك تكرر الغلط
رغم وجود الميزانيه العاليه ماهم عارفين يوظفون المال بشكل صحيح ( موراليس المحياني وبدر وعتين ) اشوف انها صفقات خسارة ممكن المدرب مااستغلهم صح بس تعتبر صفقات فاشله

وفي الختام نصائح خفيفه

للاعبين
العب كورة وبيض وجهك مو عيب انك تخسر النتيجه بس العيب انك تخسر النتيجه والمستوى

للجمهور
شجع فريقك افتقدنا جمهور خط النار هالسنه بس لا تجرح وتغلط على الاعبين حتى وان كان ضعيف
الخير يخص والشر يعم
الكورة ثقه حسسو الاعبين بالثقه وان غلطاته هي غلطة الكيان كله لانه جزء من الكيان
ادفع بالتي هي احسن مع الاندية الاخرى ولا تجرحهم فانتم الافضل

للادارة
رسم طريق الاعبين والجمهور والاهداف وتفادي الاخطاء القديمة
ويكون اكبر واهم هدف انشاء فريق ممتع حتى بدون بطولات
وصنع فريق لا يتاثر بغياب لاعب وعدم جلب اي لاعب من خارج النادي الاولمبي منجم نجوم

للمدرب
وضع تكتيك معين للاعبين مثل فريق برشلونه والهلال والمنتخب الاسباني
رتم معين او رتمين رتم للدفاع ورتم للهجوم مثل المدرب نيبوشا الي كان يمتعنا مستوى ونتيجه

وفي الاخير ان اصبت فمن الله وان اخطات فمن نفسي والشيطان