طلب استشارة لدخولي هالمعمعة والمعترك - الفروقات حقنا وهدفنا
بسم الله الرحمن الرحيم
السلام عليكم اخوتي اولا عندي سؤال وثانيا ابغى منكم مشورة وجزاكم الله خير
انا معلمة ابتدائية جديدة طلب منا المراقبة على مدرسة متوسطه وداومنا ها الاسبوع وطلبنا من المديرة ان تعفينا الاسبوع الجاي لكنها رفضت وانا اداوم من مدينة والمدرسة في اخرى
سؤال هل اذا غبت بدون عذر هناك مسؤلية ؟ وش اقصى شي يصير ؟ وش بتسويه ؟ وسؤال اخر هل ناخذ منها اخلاء طرف اذا انتهينا ؟
اما الامر الاخر اريد مشورتكم ونصحكم وخبرتكم
بصراحة وجدت مجتمع المعلمات فيه نفاق وتحايل في الكلام والبعض مغرور واللي مايعطيك وجه وشوفه النفس وحركات نذاله وشلليه بصراحة كرهت المدرسة وكرهوني في التعليم لدرجة افكر اني افصل
لانني بطبيعتي انسانه ما احب اللف والدوران ياابيض يا اسود عندي وعلى نياتي كل اللي اعرفه يسالوني واقوله وقد يسبب لي بعض مشاكل مااعرف اغير طبيعتي حسيت اني فعلا طحت في مجتمع ذيابه وانا مغفلة او
غافلة عن الألا عيب البايخة وكلام المجاملات الزايد والهذرة الزايدة احس اني طفلة في تعاملي معهم وكلامي وتصرفاتي مقارنة بهم ولاني مااعرف هالامور احس منهم الاستهتار فيني ولا لي وحده مقربه في
حين كل ثنتين مع بعض مقربات بالرغم انهم منافقات ويجاملون بعضهم بس سبحان الله ممشين امورهم وهكذا واذا ابي استفسر عن شي هات ياكذب او لف ودوران وكاه مايعرفو شي
طيب وش اسوي لاتقولون خلك مع وحده مقربه لاني انا مع الجميع عادية وما احب ارمي نفسي على احد بالغصب ماادري بتفيدوني انتم بعد والا الاقي لف ودوران ؟:Diablo:
والسموحة على الاطاله
