يا اهل الدين ادخلوا وافيدوني ضرووووري

السلام عليكم

كيف حالكم جميعا

حبايبي انا اليوم كاتبه هالموضوع ابي استفسر عن حاجه مهمه نبهتني فيها وحده من الخوات
ربي يجزاها الجنه
طبعا الحين نظام التجاره بالنت الكل يعرفه انه التاجره تجيب بضاعه من دوله ثانيه او انها
تتعامل مع شركه تجيبها لها بعض التاجرات تكون البضاعه متوفره عندها وبعضهم تجيبها
بالطلب
انا هذي طريقي اتعامل مع شركه تجيب بضاعه من الصين وهالشركه تكون عندها حاجات
متوفره وحاجات بالطلب ترسل لي كتالوجات بالمنتجات المتوفره بالصور والأسعار بس
شرط انها تكون بالطلب يعني غير متوفره وانا طبعا اسوق لهالشركه واخذ عمولتي من كل
بيعه ابيعها ازيد بالسعر القليل حق اتعابي وطبعا كل تاجر وتاجره سواء في محل او بيت يبيعون
كذا طريقتهم اي شي يبيعونه لابد يزيدون بالسعر ربح لهم وحق اتعابهم

المهم في الموضوع انه وحده من الخوات قالت لي طريقتك في البيع حرام لاني ابيع ما لااملكه
مع العلم اني مستحيل اخدع الزبون اللي ياخذ من عندي لازم اقول له انه البضاعه ماهي عندي
انا اخذها من شركه تجيب بضاعه من الصين واذا صار طلبك غير متوفر او خلص ارجع له
فلوسه وفيه زبونه من زبايني حولت لي مبلغ وقدمت طلبها للشركه وفيه احدى طلباتها غير متوفر
رجعت لها فلوسها وربي شاهد علي وارباحي كلها من الطلبيات ما احركها الا لين يوصل طلب
الزبآين وارتاح

اللي تعرف فتوى بخصوص هالموضوع بالله تفيدنا ولها اجرنا بأذن الله (( من كتم علما الجمه الله يوم القيامه بلجام من نار))

واللي تعرف ارقام مشايخه من اهل العلم والفتوى بالله ترسل لي عشان اتأكد

من جد مقهووره الحين صار لي 3 ايام اشتغل على منتجات جديده بالنهايه اسمع هالخبر
اللي قالت لي جايز بس لازم تعلمين الزبآين بسعر المنتج الأصلي واللي تقول حرام اني ابيع ما لا املكه ولاني عارفه وش الصدق وش الكذب
بس يالله ربي الرازق(( ومن ترك شيئا لوجه الله ابدله الله بخيرا منه ))