بنات ابي مساعدتكم .. مشكلتي كبيره و ابي حل لها ساعدوني

السلام عليكم

بنات انا متابعتكم من فتره و احب مواضيعكم و استفيد منها بس اليوم حبيت اشاركم مشكلتي
و تساعدوني فيها ابي حل لمشكلتي

انا متزوجه و صارلي سنه و نص و زوجي يدرس بأحد الدول الخليجيه و يرجع الكويت كل ويك اند و عطله
زوجي طيب و حبوب و مو مقصر معاي بشي و يحبني و يقدرني لكن بعد زواجنا ب 6 اشهر اكتشفت بالصدفه ان يشوف افلام اباحيه
انصدمت و انقهرت و تضايقت وايد و احترت شسوي اصارحه و لا اسكت
و سكت و ما تكلمت و قلت مالي غير ربي ادعي ان يبعده عن هالشي و يهديه و قمت بين فتره و الثانيه اجيك علي لابتوبه و اشوفه مستمر علي هالشي ، احيانا لما اكون نايمه يروح يقعد بالصاله يسهر علي الابتوب لي الصبح ، هالشي يعور قلبي وايد و احاول اني اكون طبيعيه معاه
انا مو مقصره معاه بشي و احبه لكن تعبت من هالشي و تعبت اني امثل ان ماكو شي
بنات ابيكم تساعدوني اهو الحين مسافر و بفترة امتحانات فقلت فرصه افكر بالموضوع و ابي مساعدتكم
لا تخلوني