حب 3 سنين .. ويبي يخطبني بس !! ((ساعدوني))

السلام عليكم بنات ..


شلونكم عساكم بخير ؟

بنات انا مثل ماتشوفون يديده عالمنتدى .. قبل وانا صغيره كنت ادش بس انقطعت بعدين وايد وهالاكاونت توني مسويته ..


قبل ماأدش بالموضوع ..

بنات عفيا انا مو ناقصه احد يحبطني .. اللي تبي تعلق تعطيني أمل او حل .. والافضل الاثنين واكون شاكرتلها .. واللي بتحبطني لا تقولي شي ..

انا احب شخص من 3 سنين من عمري 17 واهوه كان بعد عمره 17 وشوي .. الحين عمري 20 واهوه بعد جم شهر يكمل 21 ..

الانسان يحبني ومو بخيل علي باي شي ومن نفس جنسيتي ومذهبي .. يمووت فيني .. ماقولكم كاامل .. بس طيب وحنون ويحبني .. عليه زلات الشباب ..

اهله كلهم يدرون انه يحبني وشايفيني وسلمت عليهم ..

وانا والله اموت اموت اموت فيه .. اهوه بالنسبه لي كل شي .. اخاف عليه من كل شي .. احسه مو بس انسان احبه .. احسه ولدي .. واهوه بعد يخاف علي من كل شي

بس المشكله وين ؟ الحين اقولكم

انا جامعيه سنه ثالثه جامعة الكويت .. اهوه مو مكمل دراسته .. وقف بثانيه ثنوي سقط فيها وايد وبعدها طلع ودش الكليه العسكريه وتوظف على شهادة رابعه متوسط عسكري بالداخليه .. بس ماوقف حاول عشاني لانه قلتله اهلي ماتوقع يرضون يبون شهاده .. سجل مسائي وحس انه ماراح ينجح لانه مايدرس وايد .. وطلع والحين سجل بمدرسه بالسعوديه الوضع عندهم شوي سهالات الحمدالله ومن معاشه دفع 600 حق هالكورس كله عشاني .. والحين اهوه هناك قاعد يمتحن ويقول راح اكمل لو شيصير واخذ الثانويه واشتغل عليها واسجل جامعه .. وقايل حق امه انه يبيني ويبي يخطبني .. بس امه مادري مع انها سلمت علي وعادي وتدري بكل شي بس احسها متردده ونا مادري احساسي صح او غلط .. قلتله يقولي شكو هذي حياتي .. لانه كان رايح الحج واهوه هناك دزلها اول مارد تخطبونلي اياها كتبتله كمل حجتك ولا تبربر وايد ويصير خير ان شاء الله .. دزلي المحادثه .. المهم احنا شهر 6 كنا متهاوشين وصارتله ظروف مع ابوه وتهاوش ابوه معاه على موضوع طلع من البيت اسبوعين وبعدها رجع وكنا متهاوشين انا معاه وماندري عن بعض شهرين .. انا كنت ميته مو عايشه .. خطبوني ناس وافقت عناد قلت بعيش حياتي وتمينا لما التحاليل بعدين كل شي تفركش عقبها درى اهوه ودق شكثر معصب ويصرخ ويه عند بيتنا لما حاول ورجعنا حق بعض .. وعقبها تقدمولي وايد وكنت ارفض لاني ماقدر اعيش مع غيره واستخرت اني ابقى معاه لاني كنت خايفه وطلعت زينه .. هذا طبعا قبل .. الوضع لحالي اهوه بالسعوديه يمتحن 14_1 يرجع .. وانا كلمت رفيجت امي اللي حيل معاها وقلتلها كل شي .. انا ارتحت واهوه ارتاح لما قلتلها عشان تساعدنا.. لانه اول مايرد بيقول حق امه مره ثانيه انها تدق وتخطبني .. وانا خايفه اول شي من امه مادري شبتقول وبتدق ولا لا .. وثاني شي من اهلي .. اهوه يقول انا بوضحلهم كل شي اني قاعد اكمل وشاريج وابيج .. يقول بس احتمال نسويها جنج رفيجت اختي وييتلج من طرفها .. وقال هم خل ارجع واكلم رفيجت امج ونتفق شلون وشنسوي .. ورفيجت امي هذي معاها حيل .. ولما قلتلها ارتاحت لانها كانت تحاتيني لما كنت متضايقه .. وقامت كله تدعي معاي .. وانا كل يوم ادعي ..

فممكن حل ؟ او توقعاتكم ؟