مادري شاكتب !!

السلام عليكم

انا كتبت موضوع قبل بس بشكل مبسط ماشرحت كل شي
عمري 20
قبل 3 سنين تعرفت ع بنت ف منتدى بسميها ساره عشان يكون الموضوع واضح
وقوت علاقتي فيها وااااييد يعني صارت اقرب وحده لي وكل شي اقوله لها وهي نفس الشي يعني ف حياتي ذاك الوقت ماقربت حد مثلها كنت 17 سنه
علاقتي فيها كانت شي خيالي ماكنت اتوقع فيوم من الايام انها تصير سطحيه لهالدرجه مثل الحين وعرفتني ع اختها الكبيره بسميها نور وضافتني نور ع البيبي بعد وكانت علاقتي ف نور عاديه سلام وبس
المهم ، تلاقينا وبعدها حسيت ساره تغيرت علي واقولها انها متغيره تقول لا انا هذا طبعي ، فهالوقت بدت علاقتي ف نور تقوى حتى ان نور قالت انها تشك ان هي السبب ف ان علاقتي ف ساره اختربت .. مع انها هي مالها خص
ساره تغيرت علي وايد وحبيت انسحب من حياتها مع اني للحين اشتاق مرات لايامنا بس ساره اللي اعرفها اختفت وهذي وحده ثانيه
ماعلينا انا سكرت موضوع ساره موضوعي عن نور
نور علاقتي فيها صارت اقوى مع الايام وبشكل لايوصف وتلاقينا وزادت علاقتنا قوه اكثر ،
بس .. علاقتي فيها ماكانت سويه
يعني كنت اعتبرها حبيبتي صح ماغلط معاها بس اغار عليها وايد ومابيها تهتم ف احد كثري ومابي حد يضايقها وهي تفهمني من كتاباتي يعني لو اكون متضايقه واكتب لها ع البيبي اي شي بدون مالمح او ابين لها اني متضايقه تدري
ومايهمها تعرف سبب ضيقتي كثر مايهمها توخر عني الضيقه يعني صج لقيت فيها الرفيجه اللي اتمناها من اعدادي ( انا ف الجامعه الحين )
علاقتنا كل مالها تقوى وصرت اعاملها مثل اختي وهي نفس الشي ونقول لبعض الكلام اللي مستحيل نقوله لاحد غير الخوات من مشاكلنا ولا سب ولا دعاوي ، يعني عادي اذا حرتني ادعي عليها بالشلل وهي نفس الشي ، انا دخلت المدرسه وتخرجت والحين ف الجامعه عمري ماقربت حد مثلها ولا عاملت وحده مثلها ، يعني هي تقريبا اختي وسالفه الحبايب اتوقع راحت لانه صرنا قررراب بشكل خيالي واسلوبنا مع بعض وكلامنا كان حنا خوات
المشكله الحين ، اني ماعندي غيرها و 24 ساعه معاها وجد اعني 24 ساعه معاها نسولف ع البيبي ماتخليني الا اذا بنرقد ولا اتسبح ولا اذا عندي امتحان تسحب علي عشان مصلحتي عشان ادرس ..
عرسها قرب
واحس ايامي الحلوه معاها قربت تنتهي
يعني ماتخيل اكلمها ماترد او احتاجلها مالقاها او حتى وقتي بدونها شلون بيمر
نفسيتي فالحضيض وهي تاثرت من نفسيتي وتدري عن خوفي انها تغيير علي
انا ادري انه من الطبيعي العروس تنشغل بس مب قادره استوعب انها ماراح تكون فاضيتلي مثل الحين
اني ف يوم بيكون ف خاطري شي وماقولها او انه يمر يوم ماكلمها فيه ، انا من الحين وهي للحين معاي 24 ساعه العبره ماتفارقني شلون اذا تزوجت. بنات عمي قالولي ترى بتغير عليج بعد العرس وحتى امي قالتلي واقولهم عارفه واقولها هي بعد تقولي انا مابي اخسرج ماعندي حد اقرب منج ومحد ياخذ مكانج بس بعد مب قادره اتقبل انها تنشغل عني !!
احس قلبي ينعصر كل مافكرت انها بتبعد او انها بتغير ، انا مب حساسه ومب اي شي يبكيني بس كل مافكرت ف انه يومي بيكون خالي منها او وجودها فيومي بيخف من 24 ساعه ل ساعه بالكثير اذا فضت اصيح لاشعوريا
مرات اقول هذا عقاب من ربي لاني عصيته واتخذتها حبيبه ويبيني اوقف من هالمشوار
ومرات اقول هي رفيجتي الحين واقرب لي من اختي وامي شلون بقدر اعيش بدونها ، شلون بتحمل اكون من اخر اهتماماتها من بعد ماكنت اهم شي ف يومها وشي اساسي بعد
ادري ماراح يفيدني هالتفكير ومامنه فاييده بس تعبت وانا كل يوم اصيح خوفي افقدها ادري مستحيل الاقي حد يتحمل مزاجييتي واسلوبي وارتاح له مثلها
انا اعرف عمري بعد ماتزوج بتغير عليها بحس مالي داعي وسويت هالحركه مع بنت عمي بس لانها بنت عمي جاتني البيت وصفقتني ع اسلوبي معاها
اخاف ماتفهمني اذا تغيرت واخاف افقدها واخاف من وقتي بدونها شلون بيكون !!

مادري ليش كاتبه الموضوع بس انا من سالفة الحباييب تبت ولله الحمد من عرفتها غيرتني للاحسن ومحد يذكرني بالاذكار اليوميه ويساعدني احفظها غيرها وقوت علاقتي فيها لدرجة الخوات