ياحبيبي ترا القلب بعدك سرح وأنجرح جرح ما شفت مثلـه جريـح
المحبـة تجـر المواليـف جـر الشجـر وأنـت الأرواح جرّيتـهـا
أنت سبّة جروحي اللي جت وأرهجت رجّة العمر وإن جيت أباقوم أطيح
ساقني سم من طعـم سمسـم نسـم وأنقسـم نصـف قلبـي وناديتهـا
قلت يا ناعس الطرف وش ذا الجفا ماصفى الجو حتى معك نستريـح
قال من جرّب الحُب يلقـى الشقـى مابقـى غيـر رجلـك وعنيتهـا
قلت من شافكم ياسمي البحر أنتحر وأرخص الـروح علـم صريـح
صابر مثل صبر الجمـل للحمـل ليـت الأقـدام سـارت وسرّيتهـا
قال يامرحبا دق راس الجرس والحـرص لا تسولـف بعلـم فضيـح
أحفـظ البـاس بالـرّاس والنـاس لا تطلـع رحمـة فيـك سويتهـا
قلت ياسيد البيض يا أبيض غضيض الحضيض الذي عاشرك يامليـح
عشرتك تنشرى بالذهـب ياذهـب ذا وإذا ذابـت الـروح وأوذيتهـا
