شورو علي ما ابي اخسرها

السلام عليكم

شخباركم زميلات المهنة :eh_s(17):

معاكم معلمة صار لها سنة ونص بالتدريس

حالي حال اي معلمة يديدة تحب تفنتك وتبدع مع طالباتها

بداية السنة قدمت لطالبتي شروط و قوانين الفصل وتقديم قصاصات استيكرز لقيمة الاسبوع
وبطاقات تتعلق عالسبورة لتفعيل القيم
هذا شي وتنوع بطريقة التدريس وبصراحة طرق التدريس استخدمها 3 مرات بالشهر كل مره غير
وسبحان الله في كل مرة تدخل علي الموجهة والا رئيسة القسم فاليوم اللي يكون تنوع بطرق التدريس مع ان يدشون لي فجأة وتعجبهم الحصة
وتبادل الزيارات اوقفت رئيسة القسم وصفقت لي جدام الطالبات
وسويت ورشة من اروع ما يمكن مع اني كنت متوترة ومرتبكة حييل

المشكلة تبدي الحين

قدمت رئيسة القسم ورقة عن الانشطة حق الكورس الياي

والمدرسات يشاورون بعض شنو يسون

فوحده من المدرسات قالت لي اي شعليج خلصتي نشاطج

جان اقول لها صج اني خلصت بس انا مو راضية على اللي سويتها لاني كنت متوترة ومرتبكة

جان تقول لي رئيسة القسم لا هذا مو صحيح كنتي من اروع ما يمكن واذهلتينا

وانا عن نفسي والموجهه كنا مستانسين من ادائج وخاصه انها ما كانت ورشة عادية

لانج مسويه تطبيقات على طالباتج ويبتي لنا مثال حي

بس انا اقول لج جدام زميلاتج انتي تحتكرين الشي لنفسج وما تقولين حق زميلاتج عن الشي اللي تسوينه ويا بناتج

قلت لها ابله بس انا ما اشوف ان اللي قاعده اسويه شي يديد كل شي اخذه من النت بس اضيف عليه لمساتي

جان تقول حتى ولو من حقج انج تحتكرين شي بس ليش انا ما تبلغيني عشان انا اقول حق الناظرة ان عندي معلمة قاعده تسوي مع بناتها شي حلو

بصراحة سكت وما عرفت شرد

وللحين ما اقدر اكلمها ولا اقول شي احس ان حاطة هالشي بقلبها وانا حدي خايفة :eh_s(11):

شسوي بنات شورو علي ابي اكسبها ما ابي اخسرها