نثق بهم .. فنهدي لهم ارواحنا فيرحلون ويتركونا جسدا بلا روح

مسـآحه حتى افضفض محد اتكلم معاه غير الحيطان ...


تعارفنا وياليت ما تعارفنا


كنت باحد المنتديات المختصه بالامراض النفسيه .. لاني اعاني من رهاب اجتماعي ابعدني عن كل الناس الى ان صرت وحيده وماعندي اي علاقات اجتماعيه و علاقاتي اجتماعيه تساوي صفر ولا ابالغ بالرقم .. عادي جدا اقضي ايام كامله بالعزله من دون ان ينطق لساني بكلمه ..


امي واهلي وجودهم في حياتي = صفر


تمر ايام محد يسال عني وعن حالي حتى اكلت او لا ما يدرون ... مريضه او بصحه زينه هم ما يدرون .. اسرتي كل فرد فيها منغلق على نفسه كل شخص في غرفته ولا احد له علاقه بالثاني ..
عايشين مثل الاغراب .. محد فينا يتكلم مع الثاني ..


عشت بوحده وهم وضيق لا صداقات ولا حياه .. تعرفت على هالشخص بهالمنتديات لاني كنت اشكي عن حالتي واكتب عنها وماكان في نيتي خوض في اي علاقه انا مو من هالنوع ولا اعرف هالاشياء ...


وهو كشف لي عن نفسه فكان يمر بنفس حالتي ونفس ظروفي .. شعوري لحظتها شعور انسان متعطش ولقيت شخص بنفس معاناتي يفهمني فكنت اشتكي له عن حالي وهو كذلك


تعارفنا لفتره ... شعرت فيها بالامان وبعدها الثقه ثم الاعجاب ثم الحب


اي حبيته ... وحبي نظيف وصادق ومو حب عابر ..


شفنا بعض وتلاقينا تقاربت عقولنا وقلوبنا




قرر يتزوجني .. لانه هو مايبي ينخرط معاي بالخطأ او الحرام


صار هدفنا هو " الزواج "


وكنت اظن انه هالشخص هبه لي من الله ... وان الله كافئني بعد صبري فيه .. مريت بمراحل صعبه من رهاب ووسواس قهري وعذاب طول السنين اللي مضت


صارح اهله " امه " انه يبي يتزوج وانه البنت اللي يبيها الليي هي انا .. امه عارضت ورفضت وانه مراح يتزوج الا من بنت هي تختارها من الاهل او المعارف ..


قررنا نحاول مره ثانيه وما نستسلم .. لكن كان يعاني من آلام وبعد الكشف عند الدكتور امر له بالعمليه .. وهو قرر السفر الى امريكا لاتمام هالعمليه لعدم ثقته بالطب بالكويت سافر ... اخ و ياليته ماسافر


قال لي شهر ويرجع وانا الشهر عندي مر مثل السنه ...


بعد شهر قالي خبر نزل علي مثل الصاعقه قالي فلانه انا مراح ارجع


راح اعيش هناك علطول مابي ارد الكويت لو انتي هني هم ماكنتي حتفكرين تردين الكويت


تمنيت الارض تنشق وتبلعني ولا اسمعه يقولي جذي.. انزين و"انا" قال لي انتي تعالي معاي

شلون اروح معاك ! قال دبريها واذا ما تقدرين فانتي هناك وانا هني !


هجرني ومافكر فيني راح وماحسب لي حساب


ادري بتنقدون ادري بتضحكون .. ادري بتعاتبون


لكن هالشخص كان له تاثير كبير علي سويت اشياء معاه ماكنت اظن حسويها شجعني دفعني لاشياء ماتوقعت حسويها وتصير .. اهداف قدرت اوصل لها واحققها بسبب وجوده ووقفته جنبي


هو اللي كنت افضفض له .. هو اللي كان يواسيني


والحين راح .. راح وماظل لي احد و رجعت اصادق الحيطان


راح اللي يفهمني .. راح اللي عديته كل شي عندي ..


اخر شي توقعته .. اخر شي كنت اتوقع انه هو اللي يخليني ..


يارب تغفر لي .. وان كان خيرا لي اجمعني معاه بالحلال


بنات ادعولي .. ادعو لي وان الله يجمعني معاه بالحلال

والله اني ميته من غيره والله مالي احد غيره اهو بعد الله