السلام عليكم
حبيت اكتب لكم موقف صار معاي امس وايد اثر فيني وعور قلبي :eh_s(2):
كنت بالمستوصف ناطره دوري وزحمه حيل طبعا , السطره الي جدامي
قاعده وحده مع ولدها وخداماتها 2(فلبينيات) :eh_s(14):
الولد ياعيني بو 4 سنين تقريبا واسملله عليه حركي مايبي يقعد عالكرسي
وهذا شي عادي لانه طفل المهم اول ما صار دور الام ودشت والله والله والله
الخدامه طاحت بالولد طق:rerrerek: وتشيل وتشدخ فيه عالكرسي لانه بجى يبي يدش مع امه
والكل قاعد ومحد كلمها قمت وزفيتها ومسحت على الولد سكت وقعد هادي قتلها انتي شكو
تطقين البيبي جذي مره ثانيه لاتطقينه تقول اهو مسكني حيل وشمخ ايدي طلع دم :rgewrg:
المهم اول ماطلعت الام كلمتها :0bee2e8d89:
تخيلو شقالتلي الام..............
تقول اي وحده فيهم قلت هذي وسامحيني صرخت عليها بس قلبي عورني على
الولد جان تقول اي جزاج الله خير بنفس وتعطيني ظهرها وتمشي:eh_s(14):
احس مومهتمه وعادي لان حتى الخدامه موخايفه وتصرخ على الولد ومومهتمه بالموجودين
حسبي الله ونعم الوكيل والله عورني قلبي عليه بلييييييييييييييييييييييي ز يا امهات انتبهو لعيالكم
ترى الخدم نقمه صحيح كل بيت محتاجها لكن مولدرجة نخاف نكلمها عشان ماتنحاش او مايوصلون ا
الخدم بسرعه ترى عيالكم مسؤولين منكم ومحد بيحن عليهم غيركم والله بيحاسبكم انتو عليهم
ولا وحده تقول مجبوره شسوي ترى هذول يخوفون والي تشوف ان كلامي غلط او مبالغ فيه
تقولي ولكم التعليق....
