ودي افتح بقالة ولانستغني عن خبراتكم وتجاربكم

السلام عليكم ورحمة الله وبركاته


كيف الجميع ان شاء الله بخير ؟!!

في الحقيقة يا اخوان من سنين وانا ابغى اترزق الله بس مو عارف كيف
> تاريخ تسجيل العضوية يشهد :confused:

شوي اقول اروح للاسهم وشوي للمضاربات بالسوق وشوي بالمحلات فترة طويلة وانا لي افكر
لكن ماسويت ولاشيء وهنا ينطبق المثل ومن يتهيب صعود الجبال يعيش ابد الدهر بين الحفر
واحيانا الناس اللي حولك يثبطونك خاصة اذا كانت ميزانيتك على قد حالك وخايف تروح عليك

عموما انا الان خطرت ببالي فكرة وهو مماتوصلت له قريحة ذهني بعد تناولها افكار وافكار
هي فكرة بسيطة ومألوفة افتح بقالة صغيرة ومن جهتي المربح يرضيني مهما كان صغير

ولكن وش رأيكم بهالفكرة واذا كان لكم نصايح او تجارب يكون جميل حتى نستفيد منها

المبلغ اللي عندي 30 الف (مو لازم استخدمها كلها اذا ماكان يتطلب) واقدر استعين بالوالد
والسؤال الاهم وش هي الخطوات حتى افتح محل مع العلم ان ماعندي اي محلات سابقة وكذلك الحال بالنسبة للوالد

هذا كل اللي عندي وسلامتكم