اذا بتسافرين هالصيف تعالي استفيدي

السلام عليكم ورحمة الله وبركاته

أول شي احب اهنيكم بالعام اليديد الله يجعلها سنه مليئه بالافراح والسعاده ويغفرلنا عام مضى :yaaaaaarb:

ثاني شغله الناس تخطط للسفر وحابه تحجز وتحدد الميزانيه الخ

بس محتارين بالدول وشنو الافضل

بهالتقرير راح احاول اساعدكم عشان تكون سفره الصيف حلوووه وعلى قد التطلعات


أول شي عشان تسافرين حددي هل انتي من النوع اللي

1- تحبون الطبيعه والمناظر اللي ترد الروح والاسترخاء.

2- تحبون الاثار التاريخيه

3-تحبون تتسوقون وتقعدون بكافيهات ومطاعم

4- تحبون البحر والنشاطات البحريه .

===

اذا تحبون الطبيعه واللون الاخضر والاسترخاء :

1- زلامسي-سالزبورغ - كابرن

تحبون الاثار التاريخيه:

1- مدريد -برشلونه - لندن -باريس - فيينا- ميلانو-روما

وهالمدن هم تصلح للشوبينغ والكافيهات

3- تحبون الكافيهات والتسوق:

لندن-باريس -ميلانو -ميونخ

اذا تحبون البحر والنشاطات البحريه والحركه:

ماليزيا خصوصا الجزر-تايلند خصوصا بوكيت- المالديف -جزر سيشل

في دول تكون جامعه لـهالاشياء جنها عالم كامل من اهمها :

تركيا وخصوصا اسطنبول لو سألتوني شنو احلى ديره زرتيها اقولكم تركيااااااااااا

تركيا فيها بحر وعبارات توديج لجزر وتردج مره ثانيه لاسطنبول

فيها قلاع وقصورر ومساجد خصوصا السلطان احمد هذا عالم عالم عالم باكمله

شفت فيه سيوف الرسول صلى الله عليه وسلم وصحابته ولبس فاطمة رضي الله عنها وشعر الرسول وختمه

شفت اثار السلاطيين وترفهم

شفت فيه اشياء تاريخيه اذهلتني

ورحت حق ايا صوفيا اللي كانت كنيسه بعدين تحولت لمسجد بعدين خلوها متحف

صج خياليه

والبوظه التركيه والجاي والاكل يعني تركيا لو حصلتلكم لاتطوفونها تسوى مليون مره.

2-عندكم امريكا ولايه نيويورك خصوصا التايم سكوير والشاشات والمطاعم العجيييه صج عالم وحياه

لاس فيغاس هم تينن

واورلاندو اللي فيها ديزني لاند ولوس انجلس والترف والاناقه والكشخه والمطاعم العجيبه

3- عندكم استراليا وجمال استراليا ومطاعمها والمناظر الطبيعيه والتطور هم تستاهل

يلا اراويكم صور الدول برب اتمنى محد يرد