تجربتي مع الميزوثيرابي لعلاج الشعر

صباحكم ورد وفل وياسمين :eh_s(17):
كل عام وانتوا بخير وعساها تكون سنة حب وسعادة وفرح والله يبعد عنا وعنكم الاحزان ...

حبيت اشارككم تجربتي مع ابر الميزوثيرابي للشعر بما اني وايد واايد وااايد تعبانه من شعري ونفسيتي اختربت وانا اطالع شعور خواتي مشالله لا اله الا الله الا اناااا شعري تالف تالف :eh_s(2):

اول شي حبيت اقولكم اني اعاني من تكيس بالمبايض وهذه مشكله اساسيه حق تساقط الشعر وثانيه لعبت لعب بشعري ما بقى صبغه ما صبغت واستشوار وتسريحات حق العروس والخ الخ ليمن شعري قاال خلااااااااص تلفتيني ....

المهم ..

كانت زيارتي الاولى يوم الاحد تاريخ 30/12 وطقيت الابرة والابرة كلش كلش ما تعور واهي عباره عن 12 ابره تتوزع على عدة اسابيع والشهر الاول كل اسبوع ابره وبعدها ابره اسبوع وترك ليمن الاقي نتيجة بإذن الله الواحد الاحد


وبعدها الدكتورة وصفتلي هالادويه وقالت لي ان لازم التزم فيهم عشان الاقي نتيجة مرضية

هذا شامبوو من ماركة فوليمد ضد التساقط وتقوية الشعر

http://i.imgur.com/PDrmo.jpg

وهذا السبري ماله من نفس الماركة احطه يوم وترك

http://i.imgur.com/dYq2L.jpg

وهذيلا انبولات اسمهم revivexil يوم وترك واهي اتيي على شكل قطرات

http://i.imgur.com/setHd.jpg

وهذيل فيتامينات للشعر اسمهم برايورين


http://i.imgur.com/Ap4qy.jpg



وبث ...


والابره اليايه ان شاء الله راح اسرد اخر التطورات والنتايج واي استفسار انا حاظره وياريت يكون بالموضوع لان ماقدر ارد عالخاص :)



:eh_s(8):