من اللي يقول احنا مانقدر؟؟؟

معا لكسر الروتين اليومي و تغيير الحياه باسلوب ايجابي " مافي مستحيل" *... 👍

بمناسبه السنه الجديده 2013 حبيت اتكلم عن نقاط مهمه و ضروريه في حياتنا وهي الامنيات ، الانجازات ، الحضاره ، الايجابية ، الراحة ، التطور ....
طبعا محد فيكم ما سمع بهالكلمات و متاكده انكم فكرتوا فيها و بقولبكم امنيات كثيييرة ودكم فيها ولكن !!!!!!
في عوامل سلبيه تمنعكم من تحقيق اهدافكم وهي :
التفكير السلبي، الاحباط ، الخوف ، الكسل
*
الحين انا بسالكم اساله وجاوبوا وكونوا صريحين مع نفسكم *:-
سنه 2012 اللي خلصت شنو انجزتوا فيها؟*
السنين اللي طافت كلها عددوا انجازاتكم فيها؟*
اذكري قرار او وعد مع نفسج اتخذتيه و التزمتي فيه؟*
فيه امنيه كانت في بالج وحققتيها؟
شتسوين باوقات الفراغ؟*

جاوبتوا*

الحين ارجعي اقري اجاباتج
*هل اكثرها كانت سلبيه ام ايجابيه؟
*هل انتي فعلا تحسين برضا عن نفسج وعن الي تسوينه ومرتاحه فيه او لا؟*
تحسين الي تسوينه غلط او متاكده انج صح؟ هل تحسين انج ضيعتي عمرج على اشياء تافهه او قرارات مو مقتنعه فيها او لا؟*
تحسين ظالمه نفسج ؟*
تبين تغيرين و تحسين وقتج ضايع عالفاضي؟
بعد 10 سنين تبين تكونين مثل ما انتي؟
ندمانه ع الي سويتيه والي الحين قاعده تسوينه؟*

ادري اني حبطت معظكم بس لازم تأنيب الظمير و لا محد راح ينجح

الحين عاد نبدا بالجد*
كلنا نعرف انه اللي راح خلاص صار ماضي وانتهى ماراح تستفيدين منه شي و اذا انتي صج ندمانه على اخطائج و زهقتي من الروتين اليومي و ودج تحققين اهدافج واحلامج...

*
" لا تضيعين اكثر من عمرج " !*
هذي هي السنه جدامج و العمر كله جدامج الى الموت ...*

بتقولين شلون و شنو اسوي ومااقدر

بقولج*
*" من الي يقول احنا مانقدر؟ "
*" مافي شي مستحيل"*
" الله ماخلقنا على الدنيا عبث"*
" مثل ما غيرنا من العلماء و الناس اصحاب الاهميه و النسب العاليه عندهم عقل احنا بعد الله عطانا عقل والحمدلله "*

بس الاختلاف والمشكله مو هني*

المشكله ب مستوى العقل*

العقول مستويات
راقيه تتكلم بالافكار
متوسطه تتكلم بالاحداث
صغيره تتكلم بالناس*

فاول مشكله تعالجينها وهي تغيير التفكير
اذا تغير تفكيرج راح يتغير اسلوبج و اذا غيرتي اسلوبج راح يتغير شكل حياتج كلها

يعني

تفكير ايجابي + نشاط وهمه و الاصرار على تحقيق الهدف و التمسك به مع الاجتهاد والتعب فيه سبيل تحقيقه = تغيير الحياه للافضل والاعلى و *كسر الروتين و ذلك بانشغالج بتحقيق الاهداف ..*

*
واحفظي هالشي في بالج*

الحين بتقولين شسوي شلون ابدا*
نبدا بالاساسيات

اول شي صلاتج ثم صلاتج ثم صلاتج
الصلاه اهممم شي ابدي من اليوم صلي كل فروضج ولا تطوفين ولا فرض و اصري على اداء فروضج دايما لاتقولين نسيت و ماسمعت الاذان و كنت وكنت لاااا اذا تبين هالششي ومهتمه فيه راح تقدرين تسوينه و مع الوقت بتكونين خلاص تعودتي عليه و صار سهل
لانه شلون الله بيوفقج وانتي ماتصلين؟ شدراج انتي متى بتموتين؟
فالوحده لازم تهتم بالصلاه يابنات لانها عامود الدين و الي يفرقنا عن الكفار هو الصلاه اذا ما نصلي *بعد ليش مسلمين؟

ثانيا الاستغفار*
بنات ترا الاستغفار فوايده كثييره و لو بتقرين عنها و عشان لا يكون الموضوع طويل ماراح اكتب عنه وايد بس انتو افتحو قوقل و اكتبوا فوايد الاستغفار راح تستانسون و تتحمسون عليه و وايد ناس يستغفرون و ادمنوا الاستغفار ..

ثالثا العلم " العلم سلاح المستقبل"*
وايد ناس يجهلون فوايد العلم*
الدراسه شي مفيد ومهم جدا و ظمان للمستقبل انا ما افاول على احد بس محد فينا يعلم الغيب فعشان جذي ادرسي اجتهدي لازم عشان تتخرجين ويكون عندج شهاده و تتوظفين و هم بعد عشان اللغه لما بتسافرون و معلومات فشله نكون شكبرنا ومانعرف شي ولما تتزوجين شلون بتدرسين عيالج و فوايد ومهام واايد للعلم فديري بالج عليه محد راح يفيدج بالمستقبل ولا تعتمدين على احد اعتماد كلي يعني بكل شي مايصير*

الحين نجي عند الوناسه*
اغلب الوقت نكون وقت فراغ ماعندنا شي و مو كل الوقت بس تقومين تروحين الدوام و ترجعين تاكلين وتنامين و بالعطله تطلعين و زوارات وتضيييع وقت
شوفوا بنات
انا ماقلت لا تطلعون بالعكس اطلعوا
روحوا زيارات صله الرحم ووناسه جمعه الاهل مافي احسن منها
ولا تقعدون طول الوقت معقدين انفسكم دراسه دراسه دراسه او شغل *طووول الوقت لا نبيه الاثنين مع بعض
يعني خصصوا وقت للعمل و وقت للترفيه والراحه*

شوفوا شنو مواهبكم انتو شنو امنياتكم شنو تحبون تسوون سووا*
مثلا الي تحبون المكياج والتسريحات و الموضه افتحو على مواقع النت شكثرها واليوتيوب وشوفوا دروس تعليم المكياج والتسريحات و طبقوها المرايا قدامكم لا تتكيسلون مع الوقت بتحسين انج صرتي خبيره تجميل لاتقولين ما اعرف


كلللل شي تقدرون تسوونه مافي مستحيل
كلما يجيكم كسل تذكروا هالجمله*

مافي مستحيل

مافي مستحييييل ابدااااااااا

ناس وصلو للقمر*

وماصار شي*

لاتقولين انا غبيه وماعندي مواهب
كل انسان عنده موهبه شوفي شنو هي مواهبج دوري عنها وتدربي عليها ونميها لين تكبر وتتقنينها ..*
و كل انسان وله رغباته و امنياته*
اذا عندج امنيه لا تخلينها بخاطرج سويها*
بس اهممم شي ماتكون حرام*
ابتعدوا عن الحرام
دائره الحلال وااااااااااااااسعه
لا تضيقون انفسكم بدائره الحرام الضيقه
ولا تقولون الدين معقد ترا كل شي فيه حكمه الله مايحرم شي الا وفيه حكمه مو عبث
و افعلو الخير منها تشغلون انفسكم و تفيدون الناس و اجر عند الله واصلا انتم ترتاحون نفسيا لما تسوون شي خير اما شي شر تكونون دايما متوترين وخايفين ليشش كل هذا ابتعدي عنه وعيشي حياتج مثل ماتبين اهم شي رضا ربج و من يهمج امره والباقي مالهم شغل لا يعقدونج عيب عيب اذا كان هالشي حلال مالج شغل فيهم ..*

و شي اخير الحزن*
بنات توكم صغار كم اعماركم ؟
لاتقولين راحت علي ليش عمرج 80؟
والله مايستاهل الحزن دايما لما تحزنون تذكروا انه فيه مصايب وهموم اكبر حيل من مصايبكم و تهون عليكم واحمدوا ربكم على كل حال و لاتحشوووون و تعيبون على خلق الله ترا الله يبليكم الله يبعد عنكم الشر قولوا امين و دايما ثقي بنفسج لاتقولين فلانه احسن مني و لاتطالعين منهم اعلى منج دايما طالعي تحتج عشان ترقين " من راقب الناس مات هما" لاتفكرين وتحقدين وتتعبين عمرج وهي تستانس ليييشش شعليج منها روحي سوي انجازات عشان تصيرين احسن منها ..
*وحتى لو فقدتوا غالي اصبروا الصبر زين و الله يعوضكم ان شاء الله ..*
وفي الختام اتمنى لكم كل السعادة والتقدير
و اتمنى لكم سنة جديده جميله 🎄
و مليئه بالانجازات و التفوق و التقدم والرقي ان شاء الله وكل عام وانتم بخير 😄❤

ارسلها لكل من يهمك امره☺