favorite products of 2012 . . افضل مستحضرات لسنه 2012
<div>هاااااي بنات :* شلونكم شخباركم ؟
اول شي كل عام و انتو بخير و انشالله تكون سنة حلوة و يديدة عليكم
و بما اني طاحسة بالبيت ما رحنا نسهر اليوم قلت ازهب لكم موضوع صغيرون p:
بما ان سنه 2012 توها خلصت , راح اقول لكم شنو اكثر 12 منتج او مستحضر عجبني هالسنه . . قبل لا تاكلوني بهدومي لووول
اوكي صح مو كلها يديدة و اغلبها موجودة من زمان
في بعضها من ايام الديناصورات بس انا عن نفسي جربتها او حبيتها السنه هذي
ف قررت اشاركم تجربتي ^.^
نقول بسم الله و نبدأ :ggdw:
1. سبراي شعر من alberto balsam
هذا السبراي صح شكله اهبل شوي و ما تحسينه زين مادري شكله ما يوحي
بس لما جربته انصدمت !!!!!
قوي و يمسك الكيرلي بشكل فضيع بدون لا ايبس الشعر و يسويه جنه قش
بنات انا شعري خفيف و ناعم و مايمسك الكيرلي الا 3 ساعات و بعدين يرد ستريت تقريبا بس مع هذا السبراي سويته كيرلي و طلعت من الصبح رديت البيت بالليل و قعدت و للحين كيرلي ما خرب ! اوكي صح مو 100% نفس الصبح بس اذا بقول بشكل تقريبي
ظل ثابت نسبة 90% !! جنه شعري الطبيعي اهو كيرلي ما ينشف ولا ايبس ولا يدبق ولا يدهن
وااايد وااايد حبيته و اكيد راح اشتريه مرة ثانية
2. مزيل مكياج العيون من سيفورا
عجييييييييب !! و ما يسبب احمرار عين ولا حساسية
انا عيني ما تستحمل اي شي و في اشياء ثانية جربتها ماقدرت عليها , هذا حب من اول نظرة لووول اقصد من اول استعمال
و سعره حلو بعد و في منه حجمين .. الصغير روعه حق السفر او اذا بتروحين مكان مثلا شاليه او شي جذي حجمه وايد عملي
بس ضروري ترجينه شوي قبل الاستعمال
3. ديودرانت anarchy for her من axe
من احسن ديودرنت السبراي اللي جربتها !! ريحته حلوة و يخليج فريش طول اليوم مستحيل تصير فيج ريحة ! و ما يهيج البشرة ابدا ووااااايد حلو
بس لان فيه كحول ما انصح فيه لاستعمال يومي مع انه ما يضر و اذا توج حافة اباطج لا تستعملينه يومين
بعدين عادي
4. smooth soloutions من صيدلية Boots
<div align="center">موس بس بشكل مكينه ! عى قولتهم electric shaver
تصلح لحالات الطوارئ لووول , او لشعر الصغير اللي توه بدا يطلع او
للي يسوون ليزر لان نفس ما تعرفون ما يقدرون يشيلون حلاوة .. ما تصلح للاباط ولا المنطقه الحساسه ابدا , بس لليدين و الساقين اووووكي
ما يجرح ولا يشمخ . . و يستعمل على بشرة جافة
انا شريتها عشان ايديني .. الله يسلمكم انا ايديني اهي جذي من الله ما يطلع فيها شعر
بس جم شعره خفيفة ما تبين و صغيرة حيل , حتى و اخليها شهور
عشان جذي ماقدر استعمل لها شمع او حلاوة لانه يشيل لي الجلد و يهيجه
فا كنت استعمل موس و هم ما يطلع ! فكة :D
<font color="magenta">بس هالمكينه اختصرت علي الدرب و ريحتني من الموس اللي يجرحني كل مرة >.
