بنات تعالوا قصة طلاقي ولحظة انكساري

بسم الله الرحمن الرحيم،،
بنات انا ما أجيد المقدمات بتكلم على طول بصراحه تعباااااااانه من جميع النواحي نفسيا عضويا تعبت بموت من التفكيرررر،،،،
طبعا انا كان ولد الجيران يحبني وانا ماادري طبعا انا كنت صغيره العب معاه في بيتهم وبالحاره
لما كبرت وتغطيت نسسسيته بس اخوه الكبير تزوج عمتي واللي يحبني قاال لها بالحرف الواحد انا احب لحظة انكسار اللي هو اناا
وقولي لها اني راح أتقدم لها بعد ما اخلص الجامعه انا يوم قالت لي عمتي انصدمت مااتوقعت انه يحبني لأني انا ما احمل له اي مشاعر وسكت مارديت على عمتي
وراحت عمتي وخبرت أبوي من وراي ان فلان يبي فلانه عاد أبوي يحب هالعائله عاد أبوي من كيفه وافق وبالفعل خطبني من أبوي على انه اذا توظف بيملك علي وبيتزوج وراحت الأيام وانا ماكنت ادري بهاالسالفه كلششش بس وايد ناس تتقدم لي وأبوي يرفضضض وصلت فيه ان اذا احد خطبني يقول ماعندي بنات ويوصيهم يروحون يخطبون من عمي فلان وعمي علان قهررررررر كل هذا وانا ماادري
المهم ولد الجيران قرر يخطبني رسمي بعد ما تخرج من الجامعه وتوظف الى درجه ان الكل يعرف ان فلان يعشق لحظة انكسار وبيتزوجهاا
ولما قرر يجي امه رفضت وقالت مسسسستحيل تتزوجها طبعا بسبب مشاكل بسيطه بس هي كبرت السالفه وقالت لاتتزوجهااا وقالت له بقطع صدري لو أخذتها
الولد راح لعمتي يبكي يقول أمي رفضت وانا نفسي فيهااا
المهم علمتني عمتي قلت لها خبري أبوي عشان مايقطع نصيبي عشانه
تخيلوا سمعتهم بااذني يوم قالت عمتي فلان امه رفضت وماكو نصيب قال أبوي والله حرام قبل أسبوع خطبها واحد وقلت ماعندي بنات يلا الله يعوضها،،،
واللي يحبني امه أخذته بالغصب عشان يتزوج بنت عمه وهي تعرف انه يحبني بس عادي عندهااا وافقت عليه
تخيلوا هي راحت تحلل حق الزواج وهو جلس كم يوم يماطل امه تترجاه يروح يحلل ماكان يبي يتزوجها
وسبحان الله في هذي الفترة انخطبت من واحد أدب وأخلاق ووظيفه وكل شي ومو من قبيلتي المهم استخرت ووافقت
وكنا مكتمين أمر الخطبه حتى رفيجاتي بالجامعة ما يدرون اني مخطوبة
وعزمنا عمتي وزوجها على ملكتي كانوا مصدومين ويوم عرف اللي يحبني بغى ينجن
وتملك بعدي بيومين امه أقنعته قالت راحت وش تبي يعني اصلا ماتبيك ولاتفكر فيك
رحت أداوم بالجامعة إلا البنات يباركون لي ورفيجتي الروح بالروح >مستوعبين وش قالت حلووووه شنو ابي بالرجال !! عاد قلت لها مافيه وقت اقولج وكل شي صار بسرعه وانا انطر الاختبارات تخلص عشان اقولج
عاد يا بنات رجعت البيت متضااايقه
خطيبي لما شافني أنجن علي تعرفون شلون كان متلهف علي من عيونه من شكله
المهم انا كنت متضايقه من داخلي بس ماقلت لااحد جلست على النت الظهر إلا احس بحاجه مثل الكوره الصغيرة في معدتي الم لايطاااااااااق وانكتمت بغيت اموووووت رحت شربت مويه
الألم موجوووود من هذي اللحظة صرت وحده ثاااانيه صرت عصبية جدا جدا بس اصييييييح وأقول طلقوووووني ماابي أتزوج اكرررررررهه بموت لو اتزوجه حاول فيني أبوي إخواني أهلي يقولون كنتي راضيه وش غير رأيك قلت خلاص ما أبيه وربي يا بنات مفروض أكون مبسوطة صار العكس بس هم وغم دموووووع خوف رعب من شنو ماادري اشوووف أحلام مرعبه اشوف وزغ أشكال وألوان تلاحقني اشوووف احد غريب يقص شعري غصب عني وانا ابكي على شعرررري
لما قالوا لخطيبي البنت رفضت تتزوج انصدم قال ليشش وش فيني انا قالوا مافيك إلا كل خيررر بس خلاص البنت غيرت رأيها
حاول يكلمني بكل الطرق رفضت ماابي اسمع طاريه امه جات للبيت تشوف ليش غيرت رأيي
حاول خطيبي بكل الطرق وجلس فتره ماطلق يبيني افكر قبل يطلقني في هذي الفترة تعبت نحفت شنت صرت شاحبه جسمي قب كله حبوووووب وصار الطلاق وطلقني واحسسس رجعت مثل قبل ولما عرفت رفيجتي قامت تبوسسسم صار اللي تتمناه حسبي الله ونعم الوكيل فيهااا
المهم صار عندي الم دائم في المعده وانتفااااخ ودائم معصبه ماابي احد يكلمني كرهت الزواج بعد طلاقي خطبني واحد ولما خبروني جلست ابكي وقلت ماابيه
المهم أبوي شافني تغيرت ومو طبيعيه اخذني لواحد يعالج لما شافني قال بنتك مسحورة سحر تعطيل صدمني قلت له مستحيل محد سحرني رد علي بااستهزاء والله ماتعرفين الزواج ابد وبتتذكرين كلامي قلت علم الغيب عند الله قال سحرك قوي مره ولا عندي لك علاج انا جلست اصييييح
المهم بعدها صرت أروح لراقي شرعي كنت أتضايق من القراءة وتنمل ريولي وألم في قلبي ومعدتي
وصرت اقرا سورة البقره يوميا وأصلي بالليل وداعي واستغفر الله كثييييييررررر وتقدم لي أكثر من واحد بس كلهم يروحون من غير سبب يعني كلام بسسس وآخر واحد جاء برمضان وكان جاد وكل شي الى درجه اني استخرت ووافقت باقي الملكه واختفى اااااااااه ياقلبي بس تعبت وانا انصدم حسبي الله ونعم الوكيل
المهم قلت لازم اشوف لي حل العمر يمشي وانا ماني صغيررره ،،، المهم كل ما احلم حلم وأفسر عند مفسر يقول لازم تتحصني وترقي نفسك قلت لازم أروح راقي رحت صرت اتعب ضيقه احيانا حزن وبكاء خفيف وتنميل في الجزء السفلي كله المهم بعد الرقيه جيت البيت قرات قران وصليت ونمت وربي يابنات بين اليقظه والمنام كنت نايمه على بطني جاني الجاثوم وبرك على قاومته وتشهدت وفكني ورجعت انام لأني تعبانه برك علي مره ثانيه وقاومته بااية الكرسي وفكني وبرك علي مره ثالثه حاولت أقاومه ماقدرت شالني بقوه من ورا وانا كنت مصدوووومه احاول التفت ورا بشوف شنو هذا شفت ريال كبير ضخم اسود لابس ثوب ابيض وجهه اسود بدون ملامح شي مررررررعب ويتمتم بكلام مااعرف شنو يقول وتحرررش فيني بحقد
لما قمت جلست أصيح وأبكي وكلمت راقي وعلمته قال هذا مس انتي اتعبتيه بالرقية وباسورة البقره وهو اعتدى عليك عشان تتركي الرقيه وربي صرت مانام لان هذا الشي صار يتكرر علي بس صار يبرك بدون مايتحرش والله يابنات اذا تحرش فيني يصير عندي حساااسيه والتهابات الى درجه ما أتحمل أروح للدكتوره أخذ غسول ومرهم ماكو فايده تعبت ورب العزه تعبت
بنات انا كبيره ماني صغيره خاطري أتزوج أجيب عيال أعيش حالي حال غيري من البنااااات
انا راقي يقول فيج عين قويه
والثاني يقول سحررر تفريق
والثالث حسسسسد
وناس تقول نفس اللي يحبك
طيب هو تزوج وصار عنده عيال خلاص مفروض ينسااااني
كل البنات اللي بعايلتنا اللي بعمري عندهم أطفال
انا صرت عانسسس بسبب حقد وحسد رفيجة عمري الله يعطيها على قد نيتهاااا ولايسامحها والله يحرمها السعادة مثل ماحرمتني
بنات في شي محيرني طليقي ماتزوج الى الان على انه مطلقني من سنين اخاف حاشه اللي حاشني !!!
قولوا شسوي ساعدوني
انا متأكده ماراح تتركوني
تكفون لاتقرون وتطلعون فرحوا قلبي بدعووووه
اذا وحده مثل حالتي او تعرفون احد مثل حالتي وتعالجت اسعفوني حبيباتي وربي تعبت حييييييييييييييييل