رواية ماظنيتك ياحبيبي انك تطعني بجروح الماضي/بقلمي

السلام عليكم بغيت ارد روايتي من جديد لنه صار خلل بالعضوية مالتي فا ماقدرت انزل البارتات والحين بردها من يديد اتمنى تعجبكم
حبيت اقدم لكم روايتي الاولى رواية كويتيه رومانسيه جريئة
وان شاء الله تعجبكم
\\\
\\\
\\
\\\
\\
\\\\
\\\\
\\
اا
الساعة 6,30 قعدت من النوم بسرعه دشت الحمام (عزكم الله) مشطت شعرها وسوت خصل
كيرلي لبست بدلتها الرسمية حطت ميك اب خفيف لبست كعب خفيف شافت نفسها بالمنظرة
كان ملاك كانت البدلة عبارة عن تنورة رسمية بللون الوردي قصيرة مخصرة وقميص ابيض
وجاكيت رسمي للون التنورة نزلت وركبت السيارة وحركت
دانة:بنت حبوبه حساسة وشاعريه وحيل رقيقه اهيه اخر العنقود عندها اخو يدرس بره الكويت وعندها اخت تدرس بالجامعة مخطوبة حق زميلها معاها بالجامعة بس للحين تحسه انسان طايش
ومتردده بقرار زواجها منه حلمها انها تشتغل بشركة خاصة وتكون مهندسة معمارية مشهورة )
واهيه بالريطريج دق التلفون
دانة:صباح الخير
عبدالله:هلا ها وينج
دانة: بعد ويني بروح الشركة
عبدالله بتنرفز: انا سالفه هل شركة مو داشة بالي كلش وانا قايلج بس انتي ....
دانة:اعتقد انه تكلمنا بهل موضوع وانت شكلك تبي تتناجر باي
وضل يدق و يدق بس ماردت عليه
دقت على اغلى انسانة على قلبها الي تحس دايمن اهيه الي تفهمها
جوري:هلا بدندوشة
دانة:هلا بحبي شلونج
جوري تمام ويو
دانة: ماشي الحال
جوري: وييي ياقلبي شفيه صوتج منو الي مايستحي الي زعل حبيبتي
دانة: في غيره عكر(خرب ) مزاجي من الصبح
جوري:لا يكووون عبوود وييييع ياكرهي له من صجج دانو هذا طايش مو مال مرة ولا عيال
دانة: اي والله جويري وايد متردده بقراري مادري شلون بعيش معاه وفي بيت واحد بعد
ومكملة دانة الحديث مع صديقتها جوري ويايه بتسفط (تركن)ولا سيارة وراها سبورت لازقه فيها حيل
طقتت دانة الهرن حيييل :طوووووووووووووط
جوري: ويعه بطيتي اذوني
دانة: شسوي الغبي الي وراي لازق حيل
بعدت السيارة وسفطت دانة وقفت السيارة بنص ونزل منها شاب لابس بدلة رسميه ونزلت دانة
شافها بنظرة من طررف عينه دانة حست بشعور غريب
دانة:طع هذاااااا شلون يطالعني ولا سافط سيارته بنص شركت ابوه وانا مادري
جوري:شفيج تتحلطمين
دانة: هذا بو السيارة السبورت طلع من السيارة عطاني نظرة استحقرت نفسي فيها ولا موقف سيارته بنص الشركة ومخلي الباب ودخل الشركة
جوري: وشلي حارج خليه
دانة: شنو شلي حارني انتي لو شايفه نظرتة جان وطيتي بطنه
جوري:هههههه اعصابج
دانة: اوهووو يالله باي بدخل الشركة
جوري:باي
دخلت دانة الشركة دشت على مكتب المدير وتفاجأت بشخص........................................
انتظروني بالبارت الياي
توقعاتكم