صالح المحقني على صفحة مدارات بجريدة الجزيرة بـ( ليل الغربة)
أخولني وخواتي اسرة هذا الصرح الشامخ أنقل لكم هذه القصيده والتي نشرة هذا اليوم السبت الموافق25/2/1427هـ على صفحة مدارات بجريدة الجزيرة لشاعرنا الرايع والراقي صالح بن سعد المحقني0
[poem=font="Simplified Arabic,4,black,bold,normal" bkcolor="white" bkimage="" border="none,4,gray" type=0 line=0 align=center use=ex num="0,black"]
ليل الغربة
بدى نور الصباح وكل منا عارف دربه = تجرعنا لهيب الشوق من راهي مغاريفه
يا قصر الليل يأهل الود نور الصبح يا قربه = قصير الليل ماخلاه يكمل لي سواليفه
لو أن الليل ملك الشخص طول به وقصر به = يقصر به على كيفه يطول به على كيفه
يمد الليل لاواجه مواليفه ويسهر به = ويقصر فالنهار إليا بغى موعد مواليفه
يا حلو الليل واكمامه ورب الكون يستر به = موحد ربي المعبود في حكمه وتصريفه
حبيبي ما طمعت القاك عقب البعد والغربه = ربيع الروح غيث الروح زرع الروح ياريفه
ترى قربك غصون القلب تخضر به وتزهر به = ويرقص لك خفوق صوت خطواتك غطاريفه
يغيب الذهن مع طيفك ويرجع به ويحضر به = وأعشق اللي وصوفك بعضها تشبه تواصيفه
تراهن بي على الموت الحمر واسطي واغامر به = تناديني على قمة جبل وطلع مشاريفه
بنينا بالهوى جسراً حنين الشوق يعبر به =وغنينا لحون الشوق لين ابكى معازيفه
قصيدي فيك مفتون الهوى حبه وعبر به =يغني به لمحبوبه وانا اللي قلت توليفه
نرد ظميا على عد الهوى والغبن نصدر به =تجرعنا لهيب الشوق من راهي مغاريفه
صالح سعد المحقني [/poem]
