باجي اقل من عشر ايام ويتحدد مصيري الوضيفي،ابلات الابتدائي والاجتماعيات دشو تكفووووون

السلام عليكم ورحمة الله وبركاته

تكفووون يامعلمات شورو علي
باجي اقل من عشر ايام ويبدا تسجيلي لمواد الكورس الثاني بالجامعه
انا طول هالكورس كنت ابي رياض اطفال والكل حاول يقنعني اغير لكن كان راسي يابس ومحد قدر علي لكن امس مادري شلون ماقدرت انام كله افكر بالاجتماعيات وللعلم انا من وانا بالمتوسط كنت اقول يارياض اطفال او اجتماعيات ومن سنه قررت رياض اطفال لان بنت خالتي دشته بس امس فكرت بالاجتماعيات مره ثانيه وصليت صلاة الاستخاره لاول مره بخصوص هالموضوع واحس حححيل ارتحت من هالقرار وشاورت امي وابوي قالو كيفج
ابي راي كل معلمة اجتماعيات واي معلمه بالابتدائي شرايكم اصير مدرسة اجتماعيات ؟
جم حصه بالاسبوع ادرس ؟ 12 ولا اكثر
وشنو سالفة هالمواد الجديده تربيه وطنيه ووتربيه حياتيه واجتماعيات يعني انا ادرس وحده منهم ولا ثنتين ! وهالمواد كم حصه بالاسبوع
اخوي يقول استاذي تربيه وطنيه غير والاجتماعيات غير ولد عمي يقول التربيه الوطنيه اهو نفسه استاذ الاجتماعيات يعني ع حسب المدرسه !


تكفووووووون ردو علي باللي تعرفونه ووعد لادعي لكل وحده ردت علي ولوو رفعت الموضوع بس مابقى الا اقل من عشر ايام !