مجرد فضفضة,, واسوني شوية وادعولي

حسبي الله والنعم الوكيل

ماتوقعت يصير معاي جذي بيوم من الايام

تزوجت عشان انسعد واعيش حياتي

بس ماعشت حياتي, عمري صغير 22 سنة

زوجي زين معاي بس شخصيتة ضعيفة قدام امة يعني بكلمة منها يتغير 180 درجة

كان ودي اعيش معة قصت حب احبة مثل كااي زوجة تحب زوجها كانت فترت خطوبة وتعارف بس قلت دامة طيب وحبوب اتوكل على الله الحب يجي بعدين

تزوجنا وحملت وتعب وايد لان حمالتي كانت صعبة وتعبت اكثر من امة لان كانت تشيشة علية تقولة مرتك عيارة وكل الحريم حملو وماصار فيهم جذي تعبت نفسيتي من المشاكل ليما ترقدت بالمستشفى اكثر من مرة ,,وشرف ولدي للعالم وخلى حياتي مافي احلى منها تخيلوو حتى الاسم اهي اللي قررتة ,,كل يوم تقرر اسم وريلي كل يوم جايني يقولي بسمي على خالي او ابوي المهم


مازال الحب مفقود لان شخصيتة ضعيفة وبسرعة يبجي من اي مشكلة بينا

امة كرهتني من غير اي سبب والله العضيم تغار على عيالها وتبيهم بس حقها

تعاملني نفس الخدامة وبنفس خايسة وحتى غلط تغلط

كرهت الروحة لبيت اهلة وقعدت فترة ابيتي بس اهو يروح لهم على طول وياخذ ولدي الرضيع معة عشان عمامة يشوفونة وكنت اجهز حليبتة واغراضة واخلية يروح معة لان ماابي القطع وحرام عشان صلة الرحم

بس كل هذا ماسلمت من شرها وزت براسة وخلتة يجبرني على الروحة غصبن عني

بس انا رفضت لان نفسيتي تعبت من سو معاملتها الي واهو يشوف بعينة بس مايقدر يسوي شي

المهم من رفضت جابني لبيت اهلي وابوي قالة شوفلك حل مع امك وتعال خوذ مرتك ولدك راح والروحة روحة

والحين صارلي اكثر من اسبوعين في بيت اهلي لا سال ولا دق يتطمن على ولدة

بس ابي اعرف ليش يصير كل هذا بس عشان ابي اشتري كرامتي

لاني تعبت من الذلة والاهانة كنها مفضلة علية والله زوجتني ولدها

والله يابنات قطعو روحهم على ماخذوني وهذي اخرتها لا احنرام ولا حشيمة

انا تعبت وابي اطلق منة اذا هذي من اولها تخلى عني عشان مااروح حق امة

اشلون باجر اذا صارت مشكلة عودة بينا

حتى اذا رجعت راح يكون مصيري بيد امة لانها طلقت مرت اخو الصغير من فترة على سبب تافة

اهي مسيطرة على الكل بالبيت وكلمتها اللي تمشي

ابي اطلق واكرس حياتي كلها حق ولدي وماابي الزواج ابي اكبرة واعلمة احسن تعليم وماابي شي ثاني من الدنيا غير الله يخلية لي ويوفقني بدراستي واتخرج عن غريب ويخلي لي اهلي وعزوتي اخواني فديتهم


حسبي الله ونعم الوكيل على كل ضالم