السلام عليكم ورحمة الله وبركاته
كيفكم بنات؟
ان شالله تكونوا بألف خير..
هذا أول موضوع لي بهالمنتدى
بس صار لي فترة أقرأ مواضيعكم
واستفدت منها كثيييير
وبناء على المعلومات اللي قريتها هنا
اتخذت قراري واخترت دكتوري
بس أنتظر من الدكتور يحدد موعد العملية عشان أحجز للسفر
طبعا بعد الحيرة الطويلة والتفكير والاستخارة وقع اختياري على الدكتور
لطف علي زاده:eh_s(9):
مشكلة أنفي عندي ميلان بسيط بدا يضايقني في التنفس مؤخرا
وعندي طوووول بالأنف وهالطول هو أكثر شي معقدني بأنفي من سنوات المراهقة:eh_s(11):
و عندي عرض بالعظمة والأرنبة.
المهم راسلت الدكتور وأرسلت له الصور وأنتظر رده
مخططة أروح خلال الأسابيع القادمة وان شاء الله تضبط معاي يارب:yaaaaaarb:
المهم خواتي حبيباتي
أتمنى تكملون جميلكم معاي وتوقفون معاي هالفترة
جدا محتاجتكم:eh_s(16):
ياليت تفيدوني بتجاربكم ودعمكم المعنوي
ولكم علي اذا تسهلت أموري وسويتها
راح أكتب لكم تجربتي هنا وفاءا لعطائكم
واذا الله سهل احتمال أنزل الصور بعد
وش تبون بعد أكثر :eh_s(7):
بنات أنا خايييييفة جدا من العملية واللآلام بعد العملية:eh_s(16):
خاصة اني استنتجت من خلال قراءاتي والتجارب اللي أسمعها ان اللي يسوون عمليات برا مثل ايران أو الأردن
يستمر عندهم الألم الشديد فترة أطول من اللي يسوونها هنا يمكن عشان المعدات عندنا متطورة أكثر
والشي الثاني اللي أحتاج في مشورتكم فيه هو أطفالي
أنا عندي طفلين
أصغرهم عمره أربع سنوات
ومحتارة آخذهم معاي أو لا
اشرايكم؟؟!!
طبعاا اذا أخذتهم معاي احتمال أبقى اسبوعين وبيكون معاي زوجي وأختي وعيالها وزوجها بتكون سفرة علاج وترفيه للأسرة بنفس الوقت
وهالشي أفضل عشان أرجع وانا مطمنة ومتعدية المرحلة الصعبة
بس اذا ما أخذتهم معناها بظل أسبوع واحد يعني سريع سريع
بس ما أعرف كيف بيكون وضعي بعد العملية وهل ممكن أتحمل أطفالي في الأيام الأولى؟؟
ولا بيكون صعب علي؟؟
البنات اللي مجربات خصوصا اللي مسويات العملية في ايران وعند الدكتور لطفي
كم مدة الألم بعد العملية وكيف شدته؟؟؟
وهل تنصحوني آخذ عيالي معاي؟
ولا أروح بس اسبوع واحد مع زوجي اسويها وأرجع:eh_s(22):
ماعليش تحملوووووني
شاركتكم همي بكل تفاصيله
بس لأن أعرف انكم أكثر ناس راح يفيدوني بهالمرحلة
مثل ما فدتوني باتخاذ القرار اللي انشاء الله يكون قرار مناسب
يلا حبيباتي كل وحدة ترد ولا تقصر
خصوصا اللي مجربات أو عندهم أحد من أهلهم مجرب
ولكم ألف ألف ألف شكر مقدما:eh_s(17):
