قصيده جديده
ولكن هالمره بصوتي وعسى يارب تعجبكم
.
.
للإستماع و التحميل
هنا
.
.
!.. بنت مغروره ..!
جاسم عطني القلم والدفتر الأحمر
وسمعني من الأغاني وخص أبو نوره
ولاترفع الصوت مره حيل وتقصر
وخل الإضاءه خفيفه تبين الصوره
وأبكتب اللي سمعت ولاني مقصر
شي(ن) سمعته وشعري ثار ببحوره
مريت عند الأكابر ناوين أشعر
وسمعت لي صوت كنه صوت عصفوره
الله ياصوتها سبحان من صور
تقول يا هلا وهي بالحيل مغروره
قالت لي يامرحبا يامحمد ومنور
شرفت مكانك و أحلى ترحيب بعطوره
فيها الدلع والغنج والضحكه السكر
وفيها الثقل والهداوه وحيل مستوره
وفيها شموخ العزيز وطيب مايخبر
وفيها عناد الزعيم اللي حفظ دوره
ياكثر عذالها كثر البحر وأكثر
وتغار منها العذارى وهي معذوره
الزين طاغي وهي من الحلا أكبر
والناس من حولها تمشي ومبهوره
قصيدتي في بنت يحق لها تغتر
قصيده مكسره ماهي بمجبوره
ماكسروها القوافي لا ولا الأشطر
تكسرت من سبايب بنت مغروره
.
.
تحياتي لكم أخوكم:-
ABO FAISAL 20 (محمد بن موسى)
