زوجي كبرني 20 سنه جدآآآآآآم

السلام عليكم




انا زوجي والله تعبني نفسيا من كثر ما ابجي احس كبرني 20 سنه جدام
مشكلته انه ما ينفذ طلباتي .. آي شي آبيه ما ينفذه لي وانا توني ما كملت معاه حتى سنه
وان نفذه بطلعة الروووح
يعني بنات مستوعبين تقولين حق زوجج آبي هالشغله يقول لج اوكي بس ما يسويها
يعشم ويعشم بس ما يطبق
ومرات يقولها لي اشكره لا ماراح اسوي اللي تبينه


اقل شي طلعه ما يطلعني نهائي جنني والله اقعد ابجي واسوي مشكله عشان طلعه ونزعل
بسس يفيد ما يفييييد . وانا قبل الزواج اهلي كلهم متعودين ع الطلعات والروحات
والسفرات .. يعني اللي نبيه نجيبه ..




وبعدييين
يبي يعرف وين اودي فلوسي يقول من حقي اعرف كل دينار وين تصرفينه
اقوله فلوسي هذي تعبي شقآي وبصرفهم باللي ابيه بشتريلي جنطه ب 600 مثلا يقول مو بكيفج
اقوله فلوسي ماني ماخذه منك شي انا ...
ولا مثلا يسآل انتي كان عندج 500 وين وديتهم وين صرفتيهم .. اقول علي بالعافيه صرفتهم رآحو .. يحن يحن الا يعرف وين موديتهم .. والله ارد عليه بآسلوووب مابي اقوله مالك شغل لانه زوجي واحترمه بس ارد عليه رد حلو


وبالصيف اشتهيت تركيا قال اخذي فيزا وانا اسددها لج .على شهر 12 اخذتله الفيزا. المهم كل شهر يقصون من معاشي وللحين ماسدده .. بس زوجي اعرفه فقران معاشه متنتف قروض وديون عشان جذي منطمه



وقعدت معاه قعدت مصارحه بعد ما تهاوشنا لاني زهقت كل يوم هواش كل يوم متواصل
من تزوجت وهذي حالتي معاه والله ما ابالغ اذا قلت يوميا مشاكل وزعل ومرات على اشياء تافهه
مشكلتي ماني عارفه شنو اكتب وشنو اخلي

جان يقول لي شنو اللي تبيه قلت اللي ابيه لا طلبتك شي تنفذه وانا اطلبك بالمعقول وعارفه امكانياتك ف ماله داعي ترفض قال ان ماقدرت برفض قلت انت بكل شي ترفض

وقلتله انت شنو اللي تبيه قال ابيج لا قلتلج لا ماتزعلين واتضايقين ...



آآآآه تعبت ومابي اتعب امي معآي ومابي اقولها بنتج متضايقه ومنغثه وتنام ودمعتها على خدهآ

لحد يقول هالمشاكل عاديه لا تكبرينها

والله تلعب بالنفسيه لعب تمووووت وتشلع القلب