شعر لاستانس الخافق ذكر من يحبه.....الشاعر بن فطيس المري

• لا استانس الخافق ذكر من يحبّـهـ
  
  
  ليهـ المسا عوق الشقاوي وطبّه
  وليهـ الهبـوب تصحي القلب لا بات
  
  
  وليهـ القمر يدعي جريح المحبّه
  ويقول لهـ يا هيهـ .. ما فات .. ما مات
  
  
  جرحكـ ظهر لو قلت للوجه خبّه
  وللحزن في ضحكـك رسوم وعلامات
  
  
  وليهـ المطر بالذات ريحهـ وصبّهـ
  كنّــهـ رسول بين الاحباب بالذات
  
  
  اشتاق فيهـ لشوفتك واتنبّـهـ
  للي نسيتــهـ من مواقف ونظرات
  
  
  لا استانس الخافق ذكر من يحبّـهـ
  ورجع يراجع فالوناسات ما فات
  
  
  يا مرتع القلب الحزين ومربّــهـ
  يزيين بــك مثل الذهب صدر الابيات
  
  
  هيهات ينسى القلب شخص ٍ لعبّهـ
  وهيات يدلهـ خاطري منك هيهااااات
  
  
  سبك مديح ومدح غيرك مسبّه
  تقول واذني صوتها تقول لك هات
  
  
  ونبع الغلا عندك وعندي مصبّه
  ومن الولا .. في خافقي لك .. ولاياات
  
  
  وطيفك حطب عيني .. وعيني مشبّه
  والشوق برد ٍ ما انقطع لو للحظات
  
  
  ومكانك الصدر ولك القلب شبّهـ
  بين الظلوع اللي فردها التنهات
  
  
  ولك بيرق ٍ فالقلب حبك يهبّه
  شامخ ولا هزه من العذل غارات
  
  
  محبتك فالوقت ذا ما تشبّهـ
  الا بخيمة بدو بين العمارات
  
  
  
  لا تحسب ان دمعي نزل دون سبّهـ
  ابكي من الفرقا وهي مابعد جات
  
  
  اليوم كل امورنا .. مستتبّهـ
  وبكره ماندري وش معه من مسرّات
  
  
  اربّ قلبك مثل قلبي اربّه
  ما يخلفهـ شور العرب والمسافات ..
  
  
  
  
  
  
  

ghsjhks hgohtr `;v lk dpfi>>>>>hgahuv fk t'ds hglvd