شعر السلام عليكم ورحمة الله وابركاته

الحر لا منه نشا عينه على المرقاب فوق
ما هو مثل كل الرخوم عيونها فرجولها

دايم مسند بالنظر يم السحابه والبروق
من طيب عوده ما ينظر للوطا ووحولها


ولد الحمايل يعرف وش عليه من الحقوق
ياخذ ويعطي وما يمل من العلوم وطولها


وليا تردى به زمانه ما يخون ولا يبوق
يرقى على العليا ولا يهتم كيف سهولها

راضع حليب امه مع الشيمه وتسري فالعروق
التربية تغنيك عن بعض العلوم وقولها


يفرد جناحه من شجاعة لا جبان ولا ذروق
ينصاك في علمه مثل مزن تهل سيولها

اليا اقبل تشوف البشر باين على وجه صدوق
جنب عن علوم الردى ولا يخاوي خبولها

واليا تغيب تنشد العربان عنه بكل شوق
تفخر بذكر اسمه على مر الحياة وفصولها

ولا الردي ما له علينا لا حقوق ولا طروق
نقصر عنه كل الخطا ولو هو قريب وحولها


ما ودك تشوفه ولا تلقاه لو هو صار ذوق
ما يعتدل عرق العوج مثل البهم وذيولها


والله يعز اللي سمع واللي قرا واللي شفوق
عن بعض خلق الله وبعض أقوالها وافعولها




تحياتي للجميع اللي سال عني واللي ما سأل متمنيا السعادة للجميع


وابشركم عن حالتي طيّبة والحمد لله رب العالمين



حبيت أمر وأسلم عليكم جميع


أصدقاء وأحباب الامس واليوم وباكر وكل العمرررررررررر -- أحبكم في الله --

hgsghl ugd;l ,vplm hggi ,hfv;hji