انت يافهد بن خالد سبب نكسة الاهلي

السلام عليكم اخواني الاهلاوية كيفكم

اكيد بعضكم مستغربين من العنوان واكيد بعضكم يقول كلامي مو في محله بس حاب اقولكم ان الادارة السبب الاول والرئيسي في نكسة الاهلي يامجانين خليني نتكلم بعقل ومنطق جاروليم لايتحمل اي ذنب في التخبطات اللي جالسة تصير صحيح انه يخطىء احيانا لكن الذنب كله على الادارة وانا اعددلكم اخطاء الادارة:
1- التفريط بلاعب مثل كماتشو كان شايل الفريق كامل وكان الفارق في النادي وايش السبب في التفريط لان زوجته مو مرتاحة بجدة ياابو سعود الله ماشفناه بالعقل عرفناه هذا اللي يسمونها عذر اقبح من ذنب اللاعب يبغى زيادة بالمبلغ افهم يافهيم يعني بالعربي بحبح المبلغ شوية لكن الكبرياء الزايد مانفعنا الان الوسط بالكامل ضايع ايش حتخسر لو زودت بالمبلغ واحنا كلنا عارفينا مين اللي حيدفع.

2- الاستغناء عن الجهاز الطبي واللياقي: استغنيت عنهم اظن برضوو للكبرياء الزايد صح ياابو سعود الفريق الموسم هذا ولا مباراة واحدة لعب بكامل عناصره ياسر الفهمي الله يشفيه لعبتوه مباراة ودية جاله رباط صليبي والمضحك في الموضوع ان الجهاز الطبي الجديد اللي حضرتك جبته قالوله ماتحتاج عملية لا والمصيبة الاكبر خليتوه يدخل التمارين مع الاولمبي ولما اشتدت الاصابة عليه ارسلتوه الى اكاديمية اسباير وبرضووو قالوله مايحتاج عملية والان زي ماحنا عارفين رباط صليبي 6 شهور لحد ماتعقد ياسر نفسيا والجيزواي ماتعلمته من اللي صار مع الفهمي برضو ارسلتوه الى اسباير والان اصابة بصاص وتيسير وبالنسبة للياقة احب يابو سعود تشوف جسم معتز ومحسن ولك الحكم.

3- الدكتور النفسي: احب اذكرك بالدكتور محمد المسرحي وايش سوى للاعيبة قدام الاتحاد في نهاىي كاس الملك بس برضوو الكبرياء ماسمحلك تخليه.

4- صانع العاب: معقولة يافهد بن خالد الى الان ماحصلت اي صانع العاب ممتاز والله العظيم انهم موجودين بالهبل لكن انتا نظامك في الفترة الثانية زي الاولى تحرق اعصابنا الى اخر ثانية في فترة التسجيل واخرتها نطلع باابو الخدود.

5- محمد مسعد: والله الذي لا اله الا هو ان لاعب لايفقه بالكورة والله العظيم لو يلعب الاهلي ناقص احسن من وجوده.

6- كامل المر وكامل الموسى وياسر المسيليم: اسباب خسارة الاهلي للدوري العام الماضي ومازالو يتفنون في حرق اعصابنا.

7- عبدالله المعيوف: شكله بدا يحن للاخطاء اللي تعلمه من المسيليم.
8- فيكتور والعمدة: من حقهم يضيعون مافي احد يصنع لهم العمدة لاعب ينهي هجمة يضطر ان يرجع للنص علشان يصنع لفيكتور ونفس الحال لفيكتور وبعدين اقسم بالله لو راحو هالاثنين اننا مع عيسي وبدر ماحنسجل عشرة اهداف في الموسم.

بعد كل هذا ممكن يالمجانين وياابو سعود تفهموني فين خطأ جاروليم ايش ذنب جاروليم في ان جميع ادرات الاهلي تفرض مسعد على المدربين ايش ذنب جاروليم في ان الدفاع رغم كل الجهد اللي يبذله جاروليم في التدريبات الى ان مدافعينا الكبار يخطؤن اخطأء بدائية مايخطؤنها لاعيبة المدراس في الابتدائية ايش ذنب جاروليم في ان معتز الموسى يسبب رباط صليبي لاحمد العوفي في التدريبات ويدمره ايش ذنب جاروليم في انك الى الان ماقدرت توفرله صانع لعب حقيقي في الملعب وايش ذنب جاروليم في ان المباراة والاخطاء اللي سببت ضياع الدوري كلها بتخاذل اللاعبين بقيادة النجس مسعد وايش ذنب جاروليم في انك مافي قناة ماطلعت فيها قبل نهائي اسيا لحد مااوهمت نفسك واوهمت اللاعيبة ان فزنا في البطولة قبل لانلعب في المباراة وغيره وغيره وغيره يابو سعود لانضحك على بعض لاتوهمنا انت وادراتك الموقرة على ان الاهلي عنده فريق ثقيل الاهلي طول مامسعد والمر والمسيليم فيه عمره ماحيكون فريق ثقيل.


جاروليم باختصار في موسم واحد جعل الاهلي وصيف الدوري وصيف دوري ابطال اسيا وثاني افضل فريق في اسيا وصل لنصف نهائي كاس ولي العهد وبطل كاس الملك يكفي ان الاتحاد كان ياخذنا رايح جاي وجاء ووقف هذا الكبوة جعل جميع الفرق تلعب امامنا بعشرة مدافعين مسخر جميع الفرق

ولو راح جاروليم يابو سعود احسب في ميزانية النادي بداية كل موسم انك حتجيب اربعة مدربين في الموسم الواحد.
اسف على الاطالة.



جاروووووووووووليم وووووووووووووووووووب س،،،،،،،،





اللي حاب يتواصل معايا يالمجانين:
PIN:25A37531