يافهد بن خالد تعلم من ادارة الهلال

اول شيء هاردلك لكل اهلاوي على خسارة البارح والخروج المر من كاس ولي العهد
ثاني شي انا وقت ماسمعت فهد بن خالد حمل الاخفاقات الاخيرة كلها في راس المدرب
تذكرت وقتها خروج الهلال المذل من ربع نهائي اسيا وبنتيجة كبيرة وسط ارضه وبين جماهيره
وهي البطولة الاقوى واللي يبحثو عنها الجمهور الهلالي من سنوات
تذكرت تعامل الادارة الهلالية وهو التعامل الاحترافي فكان الجميع وقتها يتوقع استقالة الادارة او على الاقل اقالة المدرب
لكن كيف تعاملت الادارة قفلت اذانيها وماردت على احد
واستمرت مع الفريق فلم يتم استقالة ادارة ولا اقالة مدرب
اما ادارتنا العزيزة فكل شيء حطته في راس المدرب
طيب ليش وانتم كل مدرب يجي تفرضو عليه المسعد
طيب ليه وانتم ماتعاقدتم مع موراليس الا نهاية الفترة التعاقدات
طيب ليه وانتم جايبين لاعبين على شاكلة المحياني والخميس اللي الفريق ما استفاد منهم شي الى الان
ياخي استحو على وجهمكم شوي واعترفوا با اخطاءكم شوية
طيب معليش المدرب له اخطاءو ماختلفنا
لكن هل المدرب يتحمل فرضكم عليه مسعد
هل المدرب يتحمل سوء اداء لاعبين من امثال المر وكامل الموسى هذولي بالله في فريق يبغى ينافس على بطولات
هل المدرب يتحمل هبوط مستوى فيكتور وعماد واضاعتهم للفرص ولايهون تيسير
هل المدرب يتحمل اصابات الفهمي والجيزاوي وتيسير وبصاص
وهم عدد كافي من اللاعبين يجعله يأثر ولو في اقوى الفرق
في النهاية لازم كلنا يتقبل الخسارة لانها مثل الفوز قد تأتي وقد لاتاتي فالنصر مثله مثل الاهلي يبحث عن هذه البطولة
والخسارة من النصر اهون بكثيييييير من الخسارة من القادسية او الرائد
اما ادارتنا الموقر فاعتقد انها لاتملك الشيء الكثير من احترافية ادارة عبدالرحمن بن مساعد*****