-
كل شئً له علاج إلأّ ؟؟
[poem=font="Simplified Arabic,6,white,bold,normal" bkcolor="purple" bkimage="" border="none,4,gray" type=2 line=0 align=center use=ex num="0,black"]
كل شئً له علاج إلأّ ؟
يالمقهوي مد كفك للكريم اللي يفل حجاجه = وناكر المعروف لامريت عنده لاتوقف طوفه
قدّم الفنجال للي بالزوم يشع نور سراجه = نور من حده زمانه والظروف بساعةٍ مكسوفه
وأقصر الفنجال عن من مايساعد في حلول الحاجه = وهو يقدر والذي ناصيه رجلٍ سابقٍ معروفه
لانصيته لاذ في عذر البخيل وحط له دبلاجه = والغريب اللي يجيه ولايعرفه صدقه بحلوفه
اترك اللي في مواجيب الرجال يصير ذا منهاجه = ماكسب منه الصديق ولا الرفيق ولاشكروه ضيوفه
كل شئً له علاج إلأّ الردا مايكشفون علاجه = والردي ماله علاج إلأّ أن روحه تنتزع من جوفه
مادعاني للكتابه غير يومٍ صار فيه مواجه = موقفٍ حرك شعوري والمشاعر غنت المعزوفه
البحر لو كان هادئ يلتطم وتهيج فيه امواجه = الدرر في وسط جوفه والمداخل بالخطر محفوفه
والذي اسرى بعبده بالظلام وللسماء معراجه = إنه ادرى بالظروف وماحدى المحتاج غير ظروفه
اللـه إنه لايسامح من تسمّع كلمة الهراجه = وهو يدري والخطا قدام وجهه والعيون تشوفه
تحياتي 00 جمعان الرشيدي[/poem]
-
اترك اللي في مواجيب الرجال يصير ذا منهاجـه
ماكسب منه الصديق ولا الرفيق ولاشكروه ضيوفه
كل شئً له علاج إلأّ الـردا مايكشفـون علاجـه
والردي ماله علاج إلأّ أن روحه تنتزع من جوفـه
مادعاني للكتابه غير يـومٍ صـار فيـه مواجـه
موقفٍ حرك شعوري والمشاعر غنـت المعزوفـه
اشهد بالله انك جزل ياولد عبس
صح لسانك الى مالانهايه
-
صح قلبك وكلك يابوخلف
وسلمت اناملك يالجزل
تحيتي لك
-
[grade="DEB887 D2691E A0522D"]الأخ
جمعان بن خلف الرشيدي
صحححححححححححححححححححححححح ححححححححححححححححححححححح
لســـــــــــــــــــــــ ـــــــــــــــــــــــــ ـــــــــــــــنك
تقبل تحيات
جــــــــــــــــــــ الكسر ـــــــــــــــــــــــــ ـــــــارح[/grade]
-
جمعان الرشيدي
،
،
صح لسانكـ وسلم بنانكـ
تقبل فائق التحايا .
-
مادعاني للكتابه غير يـومٍ صـار فيـه مواجـه
موقفٍ حرك شعوري والمشاعر غنـت المعزوفـه
البحر لو كان هادئ يلتطم وتهيج فيـه امواجـه
الدرر في وسط جوفه والمداخل بالخطر محفوفـه
دمت شاعرنا تستقي الإبداع من مكامنه
وتنثره بنظرة متأمل حكيم ...
-
ابوخلف
جززززززززله سلم رااااااسك
صح لساااااانك
ولاهنتتتتتتتتتتتتتت
النااااااايف
-
صح لساانك وعلا شاانك
ابيات راائعة تسلم اخوي
-
صح لسانك
قصيده جميله
تسلم مليون
يعطيك العافيه
تقبل فائق تحياتي
كيبوو
-
الرشيدي
صح لسانك
مليون ولا يسدون
جزل
رائع
مميز
جمعتهم كلهم في نص واحد
تحاايااي
-
الله الله
ياجمعان
صح لسانك
وسلم بنانك
قصيدة جزلة وراائعة
تحياتي لك
-
الاخ العزيز محمد السليس 00
أنت كلك وفاء يامحمد بن السليس 00 تفتخر بك حروفي يوم مريتهــــــا
قالوا أن الكتاب ليوم خير الجليس 00 ومثله الشعر وأهل الشعر لاجيتها
القصائد لها وسط المشاعر ضريس 00 دلةٍ فوق جمر الصدر سويتـهــــــــا
آهـ ثم آهـ من همٍ بصدري حبيس 00 وعلةٍ كل مافاحت تقهويتهــــــــــا
تقبل صادق مودتي
-
الاخ الغالي أبو عبدالرحمن 00
اسعد الله يومك بالمساء والصبــــــاح 00 وبيّض الله وجهك كل غرة شهــر
أنت توّجت شعري في مرورك وشاح 00 اشكرك ياعزيز الجاه كل الشكر
تقبل صادق مودتي 00
-
أخوي جمعان خلف الرشيدي
صح لسانك وسلم فكرك واعتلا شانك
قصيده جزله من شاعر جزل ومتمكن
رايعه بروعـة حضورك
لك فااائق احترامي وتقديري
-
الاخ جارح الكسر 00
ياجارح الكسر كسر القلب مايبرا 00 نكران فعل الجميل يزيد تحطيمه
لاصار بعض العرب للطيب مايـدرا 00 حنا لنا في مراقيب الوفاء قيمه
لك أجمل التحايا
