معقولة هذا جاروليم!!!

السلام عليكم ورحمة الله وبركاته
شي غريب ويحير في الاهلي شي لايصدقه العقل ولا العين فريق كان العام من اقوى الفرق
ثاني الدوري وخسارة بطعة من جفين في كاس ولي العهد وسوء حظ في نهائي الدوري
هوا نفس الفريق اللي اشوفه السنة ذي نفس المجموعة نفس الادارة نفس الاعبين نفس
المدرب في شيئ غريب في النادي ماهو معروف اللي يقول ادارة تعبانةة وارحل يا فهد
بن خالد ايش تحس فيه!!! الادارة سوت كل شي السنة ذي لكن للأسف الاخطاء واضحة من
المدرب لاتكتيك فلسفة زايدة الاهلي من اقوى الاندية عناصر واسماء مو معقولة غياب
كماتشو يؤثر بهذا الشكل الادارة لبت ماطلبكم وجابت محور من افضل المحاور يحيى عتين
وموراليس من افضل الاعبين في الارجنتين وافضل وسط في الدوري الارجنتيني
والصحافة سوت رجه عليه يعني مو معقولة انه يكون فاشل لكن الاعب مانجح ولا
استقر مع الفريق الادارة اجتهدت ولايلام المرء بعد مايجتهد وفرت الجو الاسري
للاعبين وسوت كل شي وفي النهاية تقول ارحل يا فهد بن خالد ايش ذنب فهد بن
خالد لمن المدرب يلعب باخشوين صانع العاب ايش ذنب فهد بن خالد لمن المدرب
يلعب لاعب مكرش وينكب الدفاع زي معتز وعندو يحيى عتين ايش ذنب فهد بن خالد
لمن المدرب مايقرا المباريات صح ولا يغير الا متأخر ايش ذنب فهد بن خالد لمن
المدرب مايلعب موراليس اساسي ولايثبت تشكيلة زي السنة اللي فاتت
بداية السنة كماتشو كان فيه ناس كثير كانو يبغونه يمشي لكن مع تئقلم
الاعب شفنا وسط نار المدرب والظهير الايمن سعيد المولد لاعب تشيلو
معسكرين معاك وماتلعبو اي مباراة!! جاروليم لازم يحاسب من الادارة
لكن ضد رحيله لئنو لو رحل حتزيد الطين بله

وجهة نظر وقابلة لتصحيح