انقلاب الرحم + افضل الوضعيات له .. تجآاربكم

السلام عليكم

كيف الحال ؟!

الحمدالله رب العالمين من بعد زواج دام 10 شهور اكتشفت ليش تأخرت بالحمل

المشكله كانت الانابيب فيها التصاقات في الانابيب + الرحم مقلوب

الالتصاقات الدكتور ماقدر الا ع انبوب واحد وهو الانبوب اليمين ( والحمدالله ) طمني وقال ان مايمنع الحمل وطبيعي جداً

طبعاً مانفك باشعة الصبغه انفك بالمنظار البطني

والحمدالله انبوب واحد يكفي للحمل

طيب قال لي الرحم المقلوب هم مو مرض ولا مشكله

قال لي اهم شي بعد الجماع اظل مستلقيه ع بطني لمدة ساعتين ونص اقل شي والجماع يكون يوم وترك

انا هذا اول شهر من عرفت النتايج ودورتي باقي عليها سبوع

الي ابي اعرفه

هل الرحم المقلوب يتطلب وضروري تكون الوضعيه وضعية السجود ولا وضعية السجود يكون الحمل فيها فرصته اكبر

لان زوجي لما قلت له ماسواها الا يوم واحد بس وتعب طبعاً وضعيه الي ع جنب ماعرف لها
يقول يحس ان الموضوع اجباري وان هالشي يسبب له توتر بعكس لو كانت اي وضعيه وبكيفه

الي ابي اعرفه هل لااازم .. وضعية السجود ؟؟

لان جد استحي افاتحه في الموضوع كل مره

ف ابي اعرف هل احد حمل برحم مقلوب باي وضع

لان الدكتور ماقال لي وضعيه معينه قال لي حطي مخده صغيره ع بطنش ونامي عليه


انتظركم ومشكورين :eh_s(7):