سالفه صارت لي الليله أكتشفت ان الدنيا صغيره
سلام عليكم ,, أخوتي وأخواتي ..
طبعا ً الكل يعرف برنامج البالتوك سالفتي نوعا ً ما تتعلق فيه اللي حصلت لي الليله
كنت طالع أنا وواحد من الشباب نتعشى برا من زمان ماقابلته بس تربطني فيه علاقه
قويه ( صديق ) وعارف أن ماله في الشبكه العنكبوتيه (النت والبياجر والدبابات)
يعني حق حمام زاجل الولد المهم علاقتي معه من زمان وكنت أعرف أن له أخو
شبه مستقر في أمريكا وكان يسولف لي عنه كثير ومن كثر مايسولف عنه عرفت
أخوه بالأسم وبالطبع وبكل شي الا الشكل ,طبعا ً سافرت لمريكا وصرت أدخل البالتك في
بداياته يوم كان فله من جد موو اللحين أغلبيته ناس سيئيين مع احترامي يعني كنت من أول
اللي عرفوا هالبرنامج حتى أذكر ان غرف الخليجيين مافيه الا وحده بس مو مثل اللحين
وعددنا مايتجاوز العشرين بنت وولد وأكثرهم خارج المملكه المهم طبعا ً كنا نعرف بعض
زين بالألقاب اللي حاطينها في البالتك لا أولاد ولا بنات وندخل كل ليله عشان نسولف من
ضيقة الصدر والله , أنا كنت في ولاية تكساس وكان فيه واحد معنا في الغرفه في ولاية
كولورادو " دنفر " أعرفه بلقبه وماكنت أرتاح له وهو كذلك ( شعور متبادل ) وشعار كل
واحد فينا " جامل حتى يفرجها ربك " بعد ماسافرت صارت مكالمات صاحبي اللي طلع معي
الليله قليله وكنت عارف ان اخوه مازال في امريكا بس ماكنت أتوقع انه حق نت وماكنت أساله
عنه , تقابلنا اليوم وخذتنا السوالف انا وياه وقلت له وش أخبارأخوك فلان اللي في امريكا قال ماعليه
واللحين موجود والظاهر ان الماما حلفت عليه ماعاد يرجع وهو ضايق صدره قلت انا الله يوفقه
انشاءالله , قال لي صاحبي على فكره ترى حق نت مثلك قلت بالله قال ايه عاد اخوه الدب ماله في النت << صديقي
قلت وش المواقع اللي يدخل فيها قال 24 ساعه في البالتك قلت وشو نكه قال نكه (....) أوووووف
مت من الضحك وأنا غير مصدق , قلت انت من جدك قال وش فيك تعرفه ,قلت ايه اعرفه اكثر منك يادب << يلعن ام الجحده
تدرون طلع مين طلع اللي في كولورادو اللي ماهضمه , عاد من زود الميانه على الدب ومن زود حقدي على أخوه
قلت كلم عليه اللحين بالله وحطه على الكاركت
أتصل على أخوه وقال تعرف فلان وفلان وفلان انهبل أخوه قال وانت وش عرفك في اهل البالتك
يادب طبعا ً وانا جالس أمليه الأسماء يقول ايه ونعم فلان وفلان الله يذكره بالخير ويوم وصل
عند أسمي قال ياخي هذا ماهضمته ولا هضمني لايكون اللي وراك تكفى هههههههههههههه
والله لايوريكم عاد انا أقدر هالأمور قلت معك أخوك الصغير فلان ال فلان <<<<<< بزعمي أحرجته << أخلاق
وش أخبارك ياولد فلانه <<< قاط مع عائلتهم , المهم وأجلس ساعه أنا وياه والدب جنبي فاق فمه
ولايدري وش الطبخه في النهايه قلت له انت عارف اني أحترمك وأقدرك وأعرفك من قبل السفر
من كثر مايحكي لي عنك الدب , المهم صارت ساعة صفا ومصارحه وحلفت له أني ماأكلم غيره
وهذا أن دل فإنما يدل على أنه ممكن أنه يكون بينا ناس في منتدنا سبق وأن عرفناهم اما في بالتوك أو
غيره وفي النهايه فيه سؤال يطرح نفسه هينا ............. الا وهو
س / اللي من المنتدى وسبق أن دخل في البالتك رجائي كل الرجاء أنه يعطينا النك نيم حقه بليز
لعلى وعسى أنه يكون من الناس اللي أكرههم ويكرهونني عشان نسوي هينا " صلح الحديبيه
وأنا راح أبدى بالنك نيم حقي في البالتك ؟
يم يم = D4
أخوكم / يم يم
