خبر مهم جدآ جدآ للجميع ارجو الاطلاع .

سلام عليكم ياخوانى

شئ عجيب الى بيحصل في بلدنا والله مني عارف كيف ابداء على العموم

عندنا الوالده الله يشفيها تعبت يوم الخميس واطررنا لنقلها المستشفي طبعآ انا اتكلم عن مدينة جده روحنا اول شئ مستشفى سليمان فقيه على الطوارى عملو التحليل اكتشفو ان يبغالها نقل دم طبعآ مافي دم ولا في سراير فى المستشفى روحنا السعودي الالمانى نفس شى مافى دم ولا في سراير باختصار علشان لاطول عليكم كلمت مدير شركة الميد قلف اللقسم الطبي الرجل عمل جميع الاتصلات وماقصر النتيجه ان مدينة جدة لايوجد
سراير في جميع المستشفيات الخاصه قال اش مستشفى عرفان قفلت وانضغطة المستشفيات ولا دم وعلشان نقل الدم فى المستشفيات الخاصه بكميات محدودة وفصايل الدم محدودة طيب اش الحل ياجماعه المستشفيات الحكوميه مستشفى الحرس يبغالها امر مستشفى القوات المسلحه يبغالها امر مستشفي الملك فهد الناس يالطيف زي دود جالسين في السيارات انتظار سرير واحد يفضي فى الطوارئ فى نهايه ياجماعه اخدناها
علي مستشفى الملك فيصل التخصصي وطبعآ بيغالها امر بس الحمدلله يقبلو بفلوس بس مافي سراير دخلنا الطوارئ وجلسنا ننتظر حتى يفضي
سرير فى الطوارئ ونامت فى الطوارئ تقريبآ 5 ساعات وبعد 8 ساعات واخيرآ والحمدلله جابو الدم ونقل الدم يطول على العموم نامت فى الطوارئ 27 ساعه وفلى نهايه قالولنا خلاص خدوها علشان في شخص اخر محتاج السرير الى فى طوارئ انا مارح اكلمكم عل المعامله لانكم عارفين الوضع وما فيه . للمعلوميه مستشفي الملك فيصل التخصصي فيها اكثرمن 30 جناح فاضي بس طبعآ لكبار الشخصيات

طيب ياخوانى لاسمح الله في حالة الكوارس اش نعمل نموت مافي استعدادت ابدآ لحلات الطوارئ ولا حتى 5% ولا وزير الصحه يقول مدينة جده فيها اكثر من 800 سرير ضحكنى والله ياخوانى والحمدلله بلدنا من اغنى دول العالم بس للاسف ..... ؟

اخوانى سامحونى عل طريقة الكتابه بس والله حبيت اشرحلكم الوضع المؤسف الي في بلدنا الحبيبه .

الله المستعان

دعواتكم .

lil []N []N gg[ldu hv[, hgh'ghu >