هل فكروا في وفاة إداري من أجلهم ؟؟؟

بسم الله الرحمن الرحيم


بدون مقدمات ندخل في الموضوع وأعذروني..


بلا شك أن مايمر به نادي الإتحاد شي قاسي ولكن دعونا نتكلم فيما يهم ونترك عنا مالا يستفاد منه ..


نكسات الإتحاد إزدادت ومن حق أي مشجع وعاشق للكيان أن يقول مايقوله لأنه كل شي أختفى روح ولاعبين وهدافين وإداره تدر المال من أجل إنعاش الروح المعنويه لدى اللاعب ..


السؤال اللي بسأله للي يقول المدرب يروح :


س/ هل المدرب لديه من يستحق أن يلعب ؟؟


عشان نمسك عليه حجه .. طلب إمبامي بالإسم وجابوه فقط وباقي الخانات أشتكى منها ولكن لاحياة لمن تنادي إداره مفلسه .. معليش أحترمو عقليتي إنتم اللي تدافعو عن الإداره بس بقولكم شي الإداره أفضل شي عملتو إنو جابت حامد البلوي فقط غير كذا أنا ماأشووف شي يستحق تقول وااو ..


أنتهينا من المدرب والإداره ..


نجي لأخواننا اللي يلعبو في الملعب ..


س/ نفسي أسأل محمد أبو سبعان شخصيا ليش لما تناول توقف ؟؟ أنتهت المهمه يعني وإلا سويت إنجاز ؟؟ وليش لما ترجع مرتده تكتفي إنك تطالع ؟؟


أنا صراحه نفسي أرد على هالسؤال لأنك معطي نفسك أكبر من حجمك وحاس إنك شافي على غفله ..


لعبك جميل وتمريراتك أجمل بس منت أحسن من نور لما تضيع منو كوره ويرجع يقطعها ولو كلفو الأمر يرجع من الباب للباب ..


نفسي كمان أسأل اللعيبه الثانين اللي يلعبو بدون روح أبدا...


س/ مافكرتو مع بداية كل مباراه بإداري أكاديمية الإتحاد سالم الغامدي اللي توفى الله يرحمو وهو فرحان بهدف فهد المولد ؟ مافكرتو بالناس اللي حاضره كل مباراه عشانكم أكثر جمهور من بداية الدوري وأشنع نتائج في تاريخ الإتحاد وكل يوم يطلع متفشل؟؟ ماقلتو اليوم يانموت يانفوز هذا هو معنى التضحيه.. متى نشوف ناس تقاتل بالملعب ؟؟مافكرتو بوفاء محمد نور لما توفى أخوه ويوم عزاء اخوه يلعب مع بقية زملاءه هذا هو الوفاء ؟؟ مافكرتو أبدا وإلا إحنا بس نفكر ؟؟ وإلا إنتم ماعندكم إحساس ؟؟


أظن هذي الأسئله اللي وده أي عاشق يوجهها للاعبين عشان يعرفو قيمة هذا الكيان ولا يعبثو فيه ولا في قلوب مشجعيه..