الله يجزاها خير اللي تعرف ترد علي :/

السلام عليكم بنات بختصر سالفتي
بنات انا حملت اول حمل وماكمل بأول اسبوع من الشهر الثالث اجهضت ونزل البيبي تكرمون وانا بالحمام واكيد اول حمال لي زعلت وتضايقت وسويت تحاليل عشان يعرفون سبب الاجهاض طلع السبب طبيعي من الله كل شي فيني زين الحمدالله على كل حال وانا حدي متلهفه على الحمل كل شهر انطر ها تنزل الدوره ولا لا وللاسف تنزل وثمان شهور عدو وانا كل شهر على هالحال المهم بهذا الشهر عدا 3ايام ومانزلت طبعا فرحت كثيييير واستانست وقلت حق امي وزوجي اكيد حامل وزين مابشرت طبعا على طول متمدده واخاف اشيل شي ثقيل لايطيح البيبي واليوم للاسف نزلت وسويت مناحه والله يابنات ان شيب طلع براسي من كثر الهم وتفكير كل مارحت عند دكتوره تقولي مافيج شي عاد قبل شهر كنت اراجع عند مستوصفنا قسم امراض نسا وتكلمت مع دكتوره قالتلي بخامس يوم من الدوره سوي سونار داخلي وخلي يكتبون تقرير يمكن حجم البويضه مايسمح او في سبب ثاني ان بطانه رحمج لما حملتي يمكن تكون سميكه هني تحتاجين حق تنظيفات اللي بسأله الحين شنو يعني سونار حق البويضه ؟؟ وشنو البطانه مالت الرحم ترى موفاهمه شي