لعب وحرامية شركة الكهرباء
اغنام - ابل - دواجن - طيور
حصلي معي قصه مع شركة الكهرباء ولذلك اسميهم حراميه وحبيت انبهكم لها :
قبل سنه شريت ارض زراعيه وقدمت على كهرباء حيث ان الارض تبعد عن الاسفلت حوالي سبعمية متر، وبعد مرمطتهم ومراجعاتهم ، بعد فتره قالوا ادفع سبعه وستين الف ريال رسوم التوصيل والعداد ....الخ... فقلت لهم انتم المفروض توصلون لي وانا ادفع قيمة العداد فقط ( العداد حدوده خمسة عشر الف للنظام الجديد مائه خمسون امبير ) ، المهم تطالبنا معهم واصروا على موقفهم ، فقلت لابارك الله فيكم ولا في شركتكم ، عندي ماطور حطيته في المزرعه واشتغلت عليه لسنه ونسيت موضوع الكهرباء ... فجئه اتصلوا علي وقالوا انت تبغى الكهرباء او نقفل ملفك ، قلت نبغاها بس بالسعر الرسمي وانتم عليكم التوصيل ، فقال لي الشخص المتصل ( الله يجزاه كل خير ) انت ادفع قيمة العداد فقط ...
المهم ، اخذ الفار يلعب في عبي ( على قولت اللبنانيين ) ، اتصلت على واحد من الزملاء في المكتب الرئيسي للشركه وقلت له السالفه ، فقال نحن ملزمين بالتوصيل وانت عليك العداد ولكن الشركه تحاول تضغط عليكم يالمساكين علشان اللي مستعجل على الكهرباء يسدد كامل المبلغ ولكن الاصح ان المبلغ يكون مرصود للموقع وتدفعه الشركه للمقاول علشان يوصل الكيبل ويركب العداد... فقال لي رح لهم ولاتدفع لين تشوف المعامله والمخطط والتسعيره .. فرحنا لهم ودخلنا على واحد مرسل له ، وجاب ملفي ويعلم الله اني اطلعت على الملف كامل وفيه الرسومات والتسعيره القديمه وحاطين التسعير الجديده فوقها..فسئلت الرجال ، ليش هالفه الكبيره وتطالبوني اول بالمبلغ كامل فقال ، هذا سياسة الشركه تحاول تضغط عليكم علشان تدفعون بحيث نقدر نوفر المبلغ للشركه ولكن بما اننا بنهاية السنه الميلاديه وعندي قروش من الميزانيه فنبغى نستفيد منها وعلشان كذا عطيناك السعر الجديد فاذا ما سددت هاليومين فاكيد راح نرجع السعر القديم مع بداية السنه الميلاديه الجديده وندخلك في الميزانيه الجديده ويعلم الله متى نوصل لك ..
المهم في الموضوع لاتكونون عجلين على موضوع الكهرباء تراهم اكبر حراميه ... طبعا هم متصلين علي ماهوب حب في عيوني الحلوه ولكن علشان يستفيد الموظف والمقاول في القروش قبل مايحولونها لسنه جديده...
الزبده دفعة المبلغ الجديد ووفرنا اكثر من ثلاثين الف ريال ، وعلى الله يركبونه وانفك من مشاكل الماطور ...
حبيت اشارككم هالموضوع المهم واللذي يبين مدى لعب واستهتار شركة الكهرباء واخذ فلوسنا بالباطل لاوفقهم الله
وتقبلوا تحياتي
guf ,pvhldm av;m hg;ivfhx
